तामिळ सिनेसृष्टीतून दु:खद बातमी येत आहे, प्रसिद्ध तामिळ अभिनेते आणि दिग्दर्शक जी मारीमुथू यांची वयाच्या ५८ व्या वर्षी प्राणज्योत मालवली आहे. जी मारीमुथू नुकतेच रजनीकांत यांच्या 'जेलर' चित्रपटातून प्रेक्षकांच्या भेटीला आला होता. जी मारीमुथू यांची ८ सप्टेंबरला सकाळी ८:३० वाजता हृदयविकाराच्या तीव्र झटक्याने निधन झाले आहे. जी मारीमुथू सन टीव्ही सोप, एथिर नीचल या टेलिव्हिजन शो करिता डबिंग करत असताना त्यांना हृदयविकाराचा झटका आला. लगेचच त्यांना जवळच्या रुग्णालयात दाखल करण्यात आले, मात्र त्यानंतर डॉक्टरांनी अभिनेत्याला मृत घोषित केले.
अभिनेत्याच्या निधनामुळे तामिळ सिनेसृष्टीवर शोककळा पसरली आहे. जी मारीमुथू हे टेलिव्हिजनसृष्टी प्रमाणे चित्रपटसृष्टीतले ही प्रसिद्ध पटकथा आणि संवाद लेखक आहेत. मरीमुथू यांनी १९९९ मध्ये अजितच्या ‘वाली’ चित्रपटामध्ये सहाय्यक भूमिका साकारली होती. हा चित्रपट तिच्या फिल्मी करियरमधला पहिला चित्रपट होता. या चित्रपटानंतर जी मारीमुथू यांनी ‘असाई’ या चित्रपटामध्ये सहाय्यक दिग्दर्शक म्हणून काम पाहिले होते. त्या चित्रपटामध्ये अजित, सुवललक्ष्मी आणि प्रकाश राज हे कलाकार मुख्य भूमिकेत होते. सोबतच जी मारीमुथू यांनी कमल हसनच्या ‘इंडियन २’चे ही शूटिंग पूर्ण केले होते.
२००८ मध्ये ‘कन्नम कन्नम’ या चित्रपटाच्या माध्यमातून दिग्दर्शन क्षेत्रात डेब्यु केलं होतं. सोबतच त्यांनी त्या चित्रपटाची कथा, पटकथा आणि संवाद लेखन केले असून चित्रपटामध्ये त्यांनी एक लहान पात्र ही साकारले होते. सोबतच त्यांनी अनेक तामिळ चित्रपटात सहाय्यक भूमिकाही साकारली होती. युद्धम सेई (२०११), कोडी (२०१६), बैरवा (२०१७), काडैकुट्टी सिंगम (२०१८), शिवरंजिनीयुम इनुम सिला पेंगलम (२०२१), आणि अतरंगी रे (२०२१) या चित्रपटांमध्ये त्यांनी भूमिका साकारली आहे. (Entertainment News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
