Kangana Ranaut Reached Kedarnath Temple: बॉलिवूडची फायर ब्रँड अभिनेत्री कंगना रनौतने आज केदारनाथचे दर्शन घेतले. महामंडलेश्वर स्वामी १००८ कैलाशानंद महाराज यांनीही कंगनासोबत यावेळी केदारनाथ मंदिरात जाऊन दर्शन घेतले.
सध्या अनेक भाविक केदारनाथचं दर्शन घेण्यासाठी जात आहेत. अशातच सेलिब्रिटीही केदारनाथ बाबांचं दर्शन घेत आहे. काल बॉलिवूडचा खिलाडी अभिनेता अक्षय कुमार देखील मंदिरात दर्शनासाठी गेला होता. तर आज अभिनेत्री कंगना रनौतनेदेखील केदारनाथ मंदिरात जाऊन दर्शन घेतले.
मंदिरात दर्शनासाठी गेल्या नंतर कंगनाने माध्यमांसोबत संवाद साधला, कंगना म्हणाली, केदारनाथच्या दर्शनाने सनातन धर्मावरील श्रद्धा अधिक वाढली आहे. मी सनातन धर्माचा प्रचार करणार असल्याचे ही तिने यावेळी सांगितले.
कंगनाने सामान्य यात्रेकरूंसोबत तिनेही दर्शन घेतल्यानंतर त्यांच्यासोबत काही वेळ संवाद देखील साधला. बीकेटीसीचे मीडिया प्रभारी डॉ. हरीश गौर यांनी सांगितले की, अभिनेत्री कंगना रनौतने केदारनाथ यात्रा व्यवस्थेबद्दल मंदिर समिती आणि प्रशासनाचे कौतुक केले. यावेळी बीकेटीसीचे सीईओ / केदारनाथ उत्थान चॅरिटेबल ट्रस्टचे संयुक्त सचिव योगेंद्र सिंह यांनी कंगना राणौतचे स्वागत करत प्रसाद, कपाळावर गंध, रुद्राक्ष माळ भेट म्हणून दिली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
