Karan Mehra-Nisha Rawal Case: करण मेहराला हवाय आता मुलाचा ताबा, म्हणाला...

टीव्ही अभिनेता करण मेहरा पुन्हा एकदा चर्चेत आला आहे. गेल्या वर्षी करणची पत्नी निशा रावलने त्याच्यावर घरगुती हिंसाचारासह अनेक आरोप केले होते.
Karan Mehra and Nisha Rawal
Karan Mehra and Nisha RawalSaam Tv

Karan Mehra-Nisha Rawal Case Update | मुंबई : टीव्ही अभिनेता करण मेहरा (Karan Mehara) पुन्हा एकदा चर्चेत आला आहे. गेल्या वर्षी करणची पत्नी निशा रावलने त्याच्यावर घरगुती हिंसाचारासह अनेक आरोप केले होते. आता १४ महिन्यांनी करणने पत्रकार परिषद घेऊन पत्नी निशा रावल(Nisha Rawal)वर गंभीर आरोप केले आहेत. मानलेल्या भावासोबत तिचे अफेअर असल्याचे आणि लहान मुलासमोर दारू आणि सिगारेट ओढण्यासारखे प्रकार केल्याचे आरोप केले आहेत. आता करणला त्याचा मुलगा कविशचा ताबा हवा आहे.

Karan Mehra and Nisha Rawal
Sussanne-Arslan Wedding: हृतिक रोशनची पूर्वाश्रमीची पत्नी करणार दुसरं लग्न; कोण आहे तिचा लाइफ पार्टनर?

करण मेहरा याने सांगितले की, त्याला त्याच्या ४ वर्षांच्या मुलाची खूप आठवण येते आणि तो त्याच्या कस्टडीसाठी कायदेशीर लढाई लढणार आहे. करण पत्रकार परिषदेत म्हणाला, 'निशा तिच्या मानलेल्या भावासोबत राहते. माझा ४ वर्षांचा मुलगाही त्याच घरात राहतो. त्यामुळे मी माझ्या मुलाला म्हणजेच कविशला भेटू शकत नाही, शेवटचा मी कविशला २ नोव्हेंबरला भेटलो होतो'.

Karan Mehra and Nisha Rawal
Star Kids : माधुरी दीक्षित आणि मलायका अरोराच्या मुलाची बॉलिवूडमध्ये एन्ट्री, कोणत्या चित्रपटात मिळाली संधी?

'आपल्या देशात महिलांच्या सुरक्षेसाठी अनेक कायदे आहेत, कारण यापूर्वी महिलांना खूप त्रास सहन करावा लागत होता. मात्र या कायद्यांचा कोणीही गैरफायदा घेऊ नये. जॉनी डेप आणि अंबर हर्ड प्रकरणातील निकाल प्रत्येकाने पाहिला आहे, मी त्याच्या तपशीलात जाणार नाही. मी फक्त माझ्या मुलाचा ताबा मिळेपर्यंतच लढणार आहे', असे करण पत्रकार परिषदेत म्हणाला.

गेल्या वर्षी टीव्ही इंडस्ट्रीतील या प्रसिद्ध कपलमध्ये कौटुंबिक वाद झाले होते. त्यावेळी निशाने गोरेगाव पोलीस ठाण्यात करणविरोधात तक्रार दाखल केली. निशा थेट पोलीस ठाण्यात पोहोचली आणि करणने तिची अशी अवस्था केल्याचा आरोप केला होता. पोलिसांनी या प्रकरणावरून करण मेहराला अटकही केली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com