मुंबई : बॉलिवूड अभिनेत्री कतरिना कैफ(Katrina Kaif) सध्या तुफान चर्चेत आहे. काही दिवसांपूर्वीच ती आणि तिचा पती अभिनेता विकी कौशल मालदीवहून परतले आहेत. हे कपल मालदीवला कतरिनाचा वाढदिवस साजरा करण्यासाठी त्यांच्या मित्रपरिवारासोबत गेले होते. या मालदीव व्हॅकेशनचे फोटो सोशल मीडियावर मोठ्या प्रमाणात व्हायरल झाले आहेत. व्हॅकेशनहून परत आल्यावर कतरिना आणि विकी दोघेही आपल्या आगामी प्रोजेक्टमध्ये व्यग्र झाले आहेत. कतरिना कैफ सध्या तिचा आगामी सिनेमा 'मेरी ख्रिसमस'(Merry Christmas)चे शूटिंग करत असून, त्याचे काही फोटो व्हायरल झाले आहेत. कतरिनाने तिच्या इन्स्टाग्राम हॅंडलवरून ते शेअर केले आहेत.
कतरिनाने सोमवारी सकाळी तिच्या इन्स्टाग्राम अकाउंटवरून सहभिनेता विजय सेतुपती आणि दिग्दर्शक श्रीराम राघवन यांच्या सोबतचे 'मेरी ख्रिसमस' या तिच्या आगामी सिनेमाच्या रिहर्सलचे फोटो शेअर केले आहेत. हे फोटो शेअर करताना, 'मेरी क्रिसमस वर्क इन प्रोसेस', असे कतरिनाने तिच्या कॅप्शनमध्ये लिहिले आहे.
'मेरी ख्रिसमस' ची निर्मिती रमेश तौरानी यांच्या टिप्स इंडस्ट्रीजने मॅचबॉक्स पिक्चर्स प्रायव्हेट लिमिटेडच्या सहकार्याने केली आहे. कतरिनाच्या वर्क फ्रंटबद्दल बोलायचे झाले तर, कतरिना सलमान खानच्या 'टायगर ३' आणि 'फोन भूत' मध्ये सिद्धांत चतुर्वेदी आणि इशान खट्टरसोबत दिसणार आहे.
अलीकडेच, कतरिना कैफला जीवे मारण्याच्या धमक्या आल्या होत्या. एक अज्ञात व्यक्ती बऱ्याच दिवसांपासून कतरिनाला सोशल मीडियावर स्टॉक करून जीवे मारण्याच्या धमक्या देत होता. विकी कौशलने त्या व्यक्तीला समजवण्याचा प्रयत्न केला, तरीही ती अज्ञात व्यक्ती वारंवार कतरिनाला धमकी देत राहिली. अखेर कतरिना कैफ आणि विकी कौशल यांनी या अज्ञात व्यक्तीविरोधात पोलिसात तक्रार दाखल केली होती, त्यानंतर पोलिसांनी या आरोपीला अटक केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.