मुंबई: राष्ट्रवादीचे सर्वेसर्वा शरद पवारांबाबत फेसबुकवर आक्षेपार्ह पोस्ट करणारे मराठी अभिनेत्री केतकी चितळे (Ketaki Chitale) हिला ठाणे न्यायालयाने जामीन (Bail) मंजूर केला आहे. केतकी ही सध्या ठाणे कारागृहात न्यायालयीन कोठडीत आहे. केतकीच्या विरोधात कळवा पोलीस ठाण्यात गुन्हा दाखल करण्यात आला होता. मात्र आता तिला याप्रकरणी मोठा दिलासा मिळाला आहे. (Actress Ketaki Chitale Latest News)
हे देखील पाहा -
केतकीची फेसबूक पोस्ट -
अभिनेत्री केतकी चितळे हिने आपल्या फेसबूक पोस्टमध्ये राष्ट्रवादी काँग्रेसचे सर्वेसर्वा शरद पवार यांच्याबाबत अतिशय खालच्या भाषेत लिहिलं होतं. नितीन भावे नावाच्या व्यक्तीच्या नावाने लिहिलेली ही पोस्ट असल्याचंही तिने आपल्या पोस्टमध्ये म्हटलं आहे. शरद पवारांवर केलेल्या वादग्रस्त फेसबूक पोस्टनंतर १४ मे ला कळवा पोलीस स्टेशनमध्ये तिच्या विरोधात गुन्हा दाखल करण्यात आला होता. कळवा पोलीस स्टेशनमध्ये कलम १५३ ओ आणि ५०५ अंतर्गतगुन्हा दाखल करण्यात आला होता. यामुळे केतकी ठाणे कारागृहात न्यायालयीन कोठडीत होती. आता तिला ठाणे कोर्टानं जामीन दिल्यामुळे तिला मोठा दिलासा मिळाला आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
