Siddharth- Kiara Wedding: सिद्धार्थ- कियाराच्या लग्नात भटजींना मिळाले 'एवढी'दक्षिणा, खुद्द भटजींनीच केला खुलासा...

Siddharth- Kiara Wedding: सिद्धार्थ मल्होत्रा आणि कियारा अडवाणी यांच्या लग्नाची गेल्या अनेक दिवसांपासून चर्चा सुरु होती. 7 फेब्रुवारीला जैसलमेरच्या सूर्यगढ पॅलेसमध्ये या बॉलिवूडच्या क्युट कपलने लग्नगाठ बांधली. या दोघांचेही फोटो सध्या सोशल मीडियावर बरेच व्हायरल होत आहेत. सोबतच या जोडीच्या लग्नाबाबत अनेक गोष्टी सध्या बऱ्याच व्हायरल होत आहेत. चला तर मग जाणून घेऊया कोण आहे भटजी? त्यांच्या साक्षीने या दोघांनीही लग्नगाठ बांधली, सोबतच भटजींना किती दक्षिणा मिळाली याची ही सध्या चर्चा होत आहे.

सिद्धार्थ- कियाराचे लग्न लावल्यानंतर भटजींनी माध्यमांशी संवाद साधला आणि या जोडप्याबद्दल अनेक गोष्टी उघड केल्या आहेत. हा विवाह सनातन धर्मानुसार झाला असून राजस्थानच्या संस्कृतीप्रमाणे यांनी लग्नगाठ बांधल्याचे सांगितले. याशिवाय भटजींनी या जोडप्याचे जोरदार कौतुक देखील केले.

भटजी म्हणतात, कियारा आणि सिद्धार्थ ही खूपच सुंदर जोडी आहे. या दोघांचीही 'मेड फॉर इच अदर' जोडी असून मनमिळाऊ साथीदार एकमेकांना मिळाले आहे. तुम्ही दोघेही सदैव आनंदी राहावे, अशी माझी इच्छा आहे.

जेव्हा त्यांना लग्नाला मिळालेल्या दक्षिणेबद्दल विचारण्यात आले तेव्हा भटजी म्हणाले की, 'कधी लक्षात ठेवा की तुमची जमीन, मालमत्ता आणि उत्पन्न तुमच्या खिशात असते. दक्षिणा ही एक अनुभूती आहे, ती कधीच सांगितली जात नाही.' असे म्हणत त्यांनी माध्यमांना उत्तर दिले नाही.