सलमान खानच्या ‘Kick 2’ची सोशल मीडियावर हवा, चित्रपटातील लूकपाहून चाहत्यांनी लढवले अक्कलेचे तारे

Kick 2: २०२३ हे वर्ष सलमानच्या चाहत्यांसाठी फार महत्वाचे आहे. कारण त्याचे या वर्षात एक नाही तीन चित्रपट प्रेक्षकांच्या भेटीला येणार आहेत. लवकरच येत्या काही दिवसात सलमानचा ‘किसी का भाई किसी की जान’ हा चित्रपट प्रदर्शित होत आहे. सोबतच ‘टायगर ३’ हा चित्रपट देखील या वर्षात प्रदर्शित होणार असल्याची चर्चा सध्या होत आहे. नुकतंच सोशल मीडियाच्या माध्यमातून सलमानने यावर्षातील आगामी चित्रपट ‘किक’च्या सिक्वेलची घोषणा केली.

सलमानचा ‘किक’ हा चित्रपट २०१४मध्ये प्रदर्शित झाला होता. अनेक वर्षांच्या मोठ्या कालखंडानंतर या चित्रपटाचा सिक्वेल प्रेक्षकांच्या भेटीला येत आहे. सलमान खान आणि राणी मुखर्जीचा एक फोटो सध्या सोशल मीडियावर बराच व्हायरल झाला आहे. या दोघांनीही तो फोटो Mrs Chatterjee Vs Norwayच्या स्पेशल स्क्रिनिंगसाठी भेटले होते. या व्हायरल होत असलेल्या फोटोच्या कमेंट बॉक्समध्ये प्रेक्षकांनी ‘किक २’बद्दल विचारले आहे.

व्हायरल होत असलेल्या सलमानच्या फोटोमध्ये सलमानचा लूक फ्रेंच दाढीमधील आहे. ‘किक’ या चित्रपटात सलमान ज्या लूकमध्ये दिसला होता त्याच लूकमध्ये पुन्हा तो दिसून आला आहे. अशा परिस्थितीत सलमान खानने ‘किक २’ चे शूटिंग सुरू केले आहे किंवा लवकरच सुरू होईल असा विश्वास चाहत्यांनी सोशल मीडियावरून लढवला आहे. तेव्हापासून, ‘किक २’ सोशल मीडियावर चर्चा सुरु आहे.

‘किक’ हा चित्रपट 2014 मध्ये प्रदर्शित झाला असून सलमानसोबत जॅकलीन फर्नांडिसने ही प्रमुख भूमिका साकारली होती. साजिद नाडियादवाला यांनी दिग्दर्शित केलेल्या या चित्रपटाने बॉक्स ऑफिसवर 231.85 कोटींची कमाई केली होती.