Athiya- K.L.Rahul Wedding: तयारी झाली, मांडव सजला, कपड्यांपासून जेवणापर्यंत असा असणार थाट...

Athiya- K.L.Rahul Wedding: आज भारतीय क्रिकेट संघातील खेळाडू के. एल. राहूल आणि सुनिल शेट्टीची लेक अथिया शेट्टी आज लग्नबंधनात अडकणार आहे. यांच्या लग्नाची चर्चा गेल्या अनेक दिवसांपासून होत आहे. २१ तारखेपासून मोठ्या धुमधडाक्यात लग्नाची जय्यत सुरुवात झाली असून २३ जानेवारीला लग्नबंधनात अडकणार आहेत. सुनिलच्या खंडाळ्यातील फार्महाऊसवर ही लगीन गाठ बांधणार आहे. लग्नात आपली आवडती जोडी कोणते कपडे परिधान करणार, दोघांचा ही साज कसा असणार आणि ई. अशा प्रश्नांची उत्तरं अखेर आज चाहत्यांना मिळणार आहेत.

फक्त लग्नच नाही तर लग्नाशी संबंधित प्रत्येक विधी खूप खास असणार आहे. अथिया शेट्टी आणि के.एल.राहुलच्या लग्नात दाक्षिणात्य भारतातीय पद्धतीतील जेवणाचा बेत असणार आहे. मिळालेल्या माहितीनुसार, लग्नातील पाहुण्यांना ताटात नाही तर पारंपारिक दक्षिण भारतीय शैलीत केळीच्या पानांवर जेवण दिले जाईल.

सोबतच दोघांच्याही कपड्यांबद्दल सांगायचे तर, रिपोर्ट्सनुसार, अथिया आणि के.एल.राहुलने लग्नासाठी लाल नव्हे तर पांढरा आणि सोनेरी रंगाचा वेडिंग ड्रेस फायनल केला आहे. दोघेही सब्यसाची या ब्रँडचे कपडे परिधान करणार आहेत.