हृदयनाथ मंगेशकर रुग्णालयात दाखल!

मुंबई : भारतरत्न आणि ज्येष्ठ गायिका दिवंगत लता मंगेशकर यांचे बंधू हृदयनाथ मंगेशकर यांना मुंबईतील रुग्णालयात दाखल करण्यात आले आहे. हृदयनाथ (Hridaynath Mangeshkar) यांना रुग्णालयात (hospital) दाखल केल्याची माहिती त्यांचा मुलगा आदित्यनाथ मंगेशकर यांनी दिली. आता हृदयनाथ यांची प्रकृती स्थिर आहे, असे देखील त्यांनी सांगितले आहे. पुढील ८ ते १० दिवसांमध्ये हृदयनाथ मंगेशकर यांना डिस्चार्ज मिळणार असल्याचे त्यांनी सांगितले.

हे देखील पाहा-

लता दिनानाथ मंगेशकर (Lata Mangeshkar) पुरस्कार सोहळ्याचे उद्घाटन आदित्यनाथ मंगेशकर यांनी केले होते. या सोहळ्यात सर्व उपस्थितांना संबोधित करताना ते म्हणाले की, सोहळ्याचे उद्घाटन हृदयनाथ मंगेशकर यांना करायचे होते. पण रुग्णालयात असल्यामुळे त्यांना पाहुण्यांचे स्वागत करता आले नाही. देवाच्या कृपेने ते येत्या ८-१० दिवसांत घरी परततील. सध्या त्यांची प्रकृती स्थिर असून त्यात सुधारणाही होत आहे, असेही आदित्यनाथ यांनी सांगितले. पंडित हृदयनाथ मंगेशकर हे ८४ वर्षांचे आहेत.

लता दिनानाथ मंगेशकर पुरस्कार सोहळ्यात पंतप्रधान नरेंद्र मोदी यांना पहिला लता मंगेशकर पुरस्कार (lata mangeshkar award) प्रदान करण्यात आला आहे.

मंगेशकर कुटुंबीयांच्या हस्ते मोदींना हा पुरस्कार देण्यात आला. मोदींनी हा पुरस्कार देशवासियांना समर्पित केला आहे.

Edited By- Digambar Jadhav