Ambar Kothare: रंगभूमीवरचा 'झुंझारराव' पडद्याआड; ज्येष्ठ रंगकर्मी अंबर कोठारे यांचे निधन, महेश कोठारेंना पितृशोक...

ज्येष्ठ रंगकर्मी अंबर कोठारे यांचे वृद्धापकाळाने निधन झाले आहे.
Ambar Kothare
Ambar Kothare Saam Tv

Ambar Kothare: ज्येष्ठ रंगकर्मी अंबर कोठारे यांचे वृद्धापकाळाने मुंबईत निधन झाले आहे. अंबर कोठारे यांच्या पार्थिवावर बोरिवली येथील स्मशानभूमीत अंत्यसंस्कार करण्यात आले. त्यांच्या पश्चात पत्नी जेनमा, पुत्र आणि प्रसिद्ध निर्माते-दिग्दर्शक महेश कोठारे, नातू आदिनाथ कोठारे असा परिवार आहे. अंबर कोठारे यांनी अनेक दर्जेदार कलाकृतींची निर्मिती केली होती.

Ambar Kothare
Sushant Singh Rajput: सुशांत सिंह राजपूतचा 'तो' व्हिडिओ होतोय व्हायरल, अवस्था बघून नेटकरी रियावरच भडकले

‘इंडियन नॅशनल थिएटर’ (आयएनटी) या संस्थेच्या मराठी विभागाचे ते पहिले सचिव होते. या संस्थेतर्फे त्यांनी बरीच नाटके रंगभूमीवर सादर केली. ‘झोपी गेलेला जागा झाला’ या नाटकाचे त्यांनी शेकडो प्रयोग सादर केले होते. काही नाटकांमध्ये त्यांनी अभिनयदेखील केला होता. ‘झुंजारराव’ या नाटकातील त्यांची भूमिका प्रेक्षकांच्या विशेष पसंतीस उतरली होती.

Ambar Kothare
Surjeet Singh Rathore Arrested: अभिनेता सुरजित सिंहला मुंबई पोलिसांनी केली अटक; काय आहे प्रकरण?

अंबर कोठारे यांनी उत्तम नाटकांची निर्मितीही केली होती. त्यापैकी एक प्रमुख नाटक म्हणजे ‘जेथे जातो तेथे’. या नाटकाच्या लेखनासाठी कोठारे यांनी प्रख्यात लेखक दत्ता भट यांना नाशिकवरून मुंबईत निमंत्रित केले होते. या नाटकामध्ये दत्ता भट यांच्यासोबतच अंबर कोठारे यांनी देखील अभिनय केला होता.

Ambar Kothare
Sushant Singh Rajput Birthday: सुशांतला कशी मिळाली पहिली भूमिका, एका अॅक्शनने जिंकले निर्मात्यांचे मन...

अंबर कोठारे यांचा जन्म १४ एप्रिल १९२६ रोजी मुंबईत झाला. त्यांचे बालपण बरेच हालाखीचे गेले. घरातील आर्थिक परिस्थिती हालाखीची असल्याने कोठारे यांना वेगवेगळी कामे करावी लागली. दिवाळीच्या काळात गिरगावात रस्त्यावर उटणे विकण्याचेही काम महेश कोठारेंनी केले होते.

Ambar Kothare
Bigg Boss 16 Update: टीना दत्ताने सलमानकडे केली घराबाहेर जाण्याची मागणी, असं नेमकं काय घडलं ज्यानं रडू कोसळलं...

कालांतराने शिक्षण पूर्ण करून त्यांनी ‘ब्रिटिश बॅंक ऑफ दि मिडल इस्ट’ या बॅंकेत नोकरी मिळवली. तब्बल चार दशके त्यांनी या बॅंकेत वेगवेगळ्या पदांवर काम केले. या बॅंकेचे भारतातर्फे प्रतिनिधीत्व करण्याचीही संधी त्यांना मिळाली होती. अंबर कोठारे म्हणजे बहुरंगी व्यक्तिमत्त्व. नोकरी सांभाळत त्यांनी आपली रंगभूमीची आवडदेखील जोपासली. प्रायोगिक रंगभूमीवर काही काळ काम केले.

Ambar Kothare
Sushant Singh Rajput: सुशांतच्या बहिणीने दिला बालपणीच्या आठवणींना उजाळा, लाडक्या अभिनेत्याच्या आठवणीत चाहते झाले भावूक...

प्रसिद्ध अभिनेते-निर्माते-दिग्दर्शक महेश कोठारे यांचे बालकलाकार तसेच कालांतराने निर्माता-दिग्दर्शक म्हणून झालेल्या जडणघडणीत वडिलांचा त्यांच्या यशात मोलाचा वाटा होता. महेश कोठारे यांची निर्मिती-दिग्दर्शन क्षेत्रामधील पदार्पण असलेला ‘धुमधडाका’ हा चित्रपट सर्वतोपरी चांगला होण्यासाठी अंबर कोठारे यांनी भरपूर कष्ट घेतले होते. त्यानंतर महेश कोठारे यांच्या प्रत्येक चित्रपटामध्ये वडिलांचा मोलाचा सहभाग होता. ‘दे दणादण’ या चित्रपटामध्ये अंबर कोठारे यांनी खलनायकाची व्यक्तिरेखा अत्यंत ताकदीने साकारली होती. त्यानंतर महेश कोठारे यांनी दिग्दर्शित केलेल्या काही महत्त्वाच्या कलाकृतींमध्येहीदेखील त्यांनी वेगवेगळ्या भूमिका साकारल्या होत्या.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com