Manasi Naik Life Story: अभिनेत्री मानसी नाईक सध्या तिच्या आगामी चित्रपट तसेच खासगी आयुष्यामुळे चर्चेत आहे. मानसी नाईक आणि तिचा पती प्रदीप खरेरा याच्या वाद झाल्याच्या बातम्या गेल्या काही दिवसांपासून समोर येत आहेत. यातच मानसी नाईकने तिच्या सोशल मीडियावर एक पोस्ट केली आहे. त्यामुळे त्यांच्या दोघांमध्ये काहीतरी नक्की बिनसलं आहे असं दिसून येत आहे.
मानसी नाईक आणि तिचा पती प्रदीप खरेरा सोशल मीडियावर सक्रिय आहेत. दोघेही एकमेकांसोबाचे अनेक व्हिडिओ आणि फोटो नेहमीच शेअर करत असतात. परंतु मानसी नाईक सध्या तिच्या खासगी आयुष्याबद्दल पोस्ट करताना दिसत आहे. तिच्या सर्व पोस्ट या भावनिक आहेत. यावरून अनेक तर्क-वितर्क लावण्यात येत आहेत.
मानसी नाईक हिने काही वेळापूर्वी तिच्या इंस्टाग्रामवर एक स्टोरी शेअर केली आहे. या स्टोरीमध्ये तिने लिहिले आहे की, 'आज मी माझ्या मोबाईल मधल्या काही गोष्टी डिलीट करत होते, तेव्हा प्रत्येक वेळी फोने मला विचारत होता 'are you sure' म्हणजे नक्की ना. मला मोठे आश्चर्य वाटले की एक निर्जीव मशीन आपल्या आत साठवलेल्या आठवणी काढून टाकण्यापूर्वी तुम्हाला नक्की ना असं विचारते. मग एक जिवंत माणूस ज्याला भावना आहेत, तो इतका निष्काळजी व भावनाशून्य कसा राहतो. जो नातेसंबंध तोडण्यापूर्वी वा तोंड फिरवण्यापूर्वी स्वतःला एकदाही विचारत नाही की 'are you sure' नक्की ना.' (Actress)
आज मानसीच्या पतीचा वाढदिवस आहे. त्यानिमित्त मानसीने स्टोरी शेअर केली. ज्या स्टोरीने सर्वांचे लक्ष वेधून घेतले आहे. मानसी या स्टोरीद्वारे तिच्या नात्याविषयी भावना व्यक्त केल्या आहेत. मानसीने शेअर केलेली हे स्टोरी चांगलीच व्हायरल होत आहे. तसेच दोघांनीही त्यांच्या सोशल मीडियावरून त्यांचे फोटो आणि व्हिडिओ डिलीट केले आहेत. यामुळे तिच्या चाहत्यांना अनेक प्रश्न पडत आहेत. त्यांच्या नात्यावर अजून दोघांनीही प्रतिक्रिया दिलेली नाही. (Social Media)
मानसी नाईक आणि प्रदीप खरेरा यांचे १९ जानेवारी, २०२१ रोजी झाले होते. लग्नाच्या आधी दोघेही एकमेकांना डेट करत होते. त्यांच्या नात्यातील दुरावा बरेच दिवस चर्चेत होते. मान्सीच्या या पोस्टने या चर्चेला पुष्टी मिळत आहे. (Marriage)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.