Mansi Naik Divorce: मानसी नवऱ्यापासून विभक्त होणार, 'हो मी घटस्फोट घेतेय' म्हणत केले महत्वाचे खुलासे

मानसीने २०२१ मध्ये प्रदिप खरेरा सोबत लग्नगाठ बांधली होती. त्या दोघांच्याही नात्यात सध्या आलबेल नसल्याचे कळून येत आहे.
Manasi Naik
Manasi Naik Saam Tv

Mansi Naik: अभिनेत्री मानसी नाईक मराठी प्रेक्षकांसमोर 'बाई वाड्यावर या' आणि 'वाट बघतोय रिक्षावाला' या गाण्यातून समोर आली होती. सोबतच मानसी सोशल मीडियावर बरीच सक्रिय असते. मानसीने २०२१ मध्ये प्रदिप खरेरा सोबत लग्नगाठ बांधली होती. त्या दोघांच्याही नात्यात सध्या आलबेल नसल्याचे दिसत आहे. यावर मानसीने आधी घटस्फोटासंबंधित स्पष्ट सांगितले नव्हते. पण आता मानसीने तिच्या घटस्फोटावर आपले मौन सोडले आहे.

Manasi Naik
Rashmika-Vijay Photo: रश्मिका मंदाना-विजय देवरकोंडा यांच्या व्हायरल फोटोमागील सत्य उघडकीस, वाचा सविस्तर बातमी

एका इंग्रजी वृत्तपत्राला मुलाखत देताना मानसी म्हणते, 'हो मी घटस्फोट घेतेय. त्यासाठी कोर्टात अर्ज केला आहे' असं मानसीने स्पष्ट सांगितले. मानसी नाईकच्या या धक्कादायक खुलास्यानंतर तिच्या चाहत्यांना आश्चर्याचा धक्का बसला आहे. त्यांनी आपल्या लग्नाच्या दिड वर्षानंतर विभक्त होण्याचा निर्णय घेतला आहे. दोघांना सोशल मीडियावर त्यांचे चाहते चांगली पसंती दर्शवत होते. दोघांचे रील्स व्हिडिओ आणि फोटो सातत्याने व्हायरल होत असतात.

Manasi Naik
Urfi Javed: उर्फी जावेदनं आता हद्दच ओलांडली, रील्स करण्याच्या नादात सगळे कपडेच उतरवले

मानसी नाईकने घटस्फोटाच्या निर्णयावर आपले परखड मत व्यक्त करत म्हटली, "हो आमच्या घटस्फोटाच्या चर्चा खऱ्या आहेत. मी खोट बोलणार नाही. मी घटस्फोट घेण्यासाठी अर्ज दिला आहे. या प्रक्रियेला आता सुरूवात झाली आहे. मी सध्या खूपच दु:खी आहे. सर्व गोष्टींमध्ये नेमकं काय चुकलंय हे सांगणे आता माझ्यासाठी खूप कठीण आहे. आमच्यात काही गोष्टी ठिक होऊ शकल्या नव्हत्या. या सर्व प्रक्रिया खूपच वेगात घडल्या. पण मला माझ्या प्रेमावर आजही विश्वास कायम आहे."

Manasi Naik
Sai Tamhankar: सई म्हणते, "कोकणची माणसं साधी भोळी", 'या' भाषेत चित्रपट करण्याची खास आवड

पुढे मानसी म्हणते, "मला पुन्हा प्रेम करायचं आहे. एक वेळ अशी होती जेव्हा मला माझं कुटुंब हवं होतं आणि मी तेव्हा लग्न केलं. मला वाटतं तिथेच काहीतर चुकलं. पण आता या लग्नाच्या नात्यातून वेगळं होण्याची वेळ आली आहे. पण मला त्याच्या आणि त्याच्या कुटुंबाबद्दल नेहमीच आदर आहे. परंतू एक स्त्री म्हणून मला माझा स्वाभिमान आहे. स्वत:ची काही मतं आहेत आणि ती महत्त्वाची आहेत. एखाद्या व्यक्तीला आपण सोडून देऊया इतक्या खालच्या थराला ती व्यक्ती जाऊ शकते हे कळणं माझ्यासाठी गरजेचं होतं."

Manasi Naik
Rowdy Bhati Accident: सोशल मीडिया स्टार रावडी भाटीचे अपघाती निधन, झाडावर कार आदळून मृत्यू

सोबतच मानसी पुढे म्हणाली, "आजकाल लोकं नात्यातील मानसिक आरोग्याबद्दल बोलतात. त्यामध्ये आपल्या जोडीदाराला कसे समजुन घ्यावे, एकमेकांसोबत कसे बोलावे इथपर्यंत आपल्याला माहिती मिळत असते.

जर जोडीदारात आणि तुमच्यात समंजसपणा नसल्यास तुमच्या नात्यात दुरावा जाणवतो. अशा नात्यातून तात्काळ बाहेर पडा आणि पुढे जा, असा सल्लाच तिने यावेळी दिला आहे. माझे बालपण पु्ण्यात गेले.

ज्या व्यक्तीवर तु्म्ही प्रेम करताय त्याला पाठिंबा देणे आपले कर्तव्य आहे. यामध्ये एकाला समर्थन मिळत आहे तर एकाला समर्थन मिळत नाही, अशा नात्यातून लगेचच बाहेर पडलेले कधीही उत्तम."

मानसीचा 'एकदम कडक' मराठी चित्रपट प्रदर्शित येत्या काही दिवसात प्रदर्शित होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com