Jhimma 2: पुढच्या ट्रिपची तयारी सुरू...; नवी धमाल, नव्या जोशात येतोय हेमंत ढोमेच्या चित्रपटाचा सिक्वेल...

सिनेरसिकांच्या प्रेमामुळे दिग्दर्शक हेमंत ढोमे ‘झिम्मा’ चित्रपटाचा आगामी सिक्वल लवकरच प्रेक्षकांच्या भेटीला घेऊन येत आहे, नुकताच चित्रपटाचा पहिला सोशल मीडियावर शेअर करण्यात आला आहे.
Jhimma 2
Jhimma 2Saam Tv

Jhimma 2: ‘झिम्मा’ने एक वर्षापूर्वी बॅाक्स ॲाफिसवर अक्षरशः धुमाकूळ घातला होता. रसिकांच्या हा चित्रपट आयुष्याशी मिळता जुळता असल्याने त्यामुळेच जगभरातल्या प्रेक्षकांनी ‘झिम्मा’वर भरभरून प्रेम केले. सिनेरसिकांच्या याच प्रेमामुळे हेमंत ढोमे ‘झिम्मा २’आपल्या भेटीला घेऊन येणार आहेत. नुकताच त्याचा एक मजेशीर अनाऊन्समेंट व्हिडीओ सोशल मीडियावर प्रदर्शित करून त्यांनी या चित्रपटाची घोषणा केली आहे.

Jhimma 2
Athiya- K.L.Rahul Wedding: 'राहुल माझा जावई नाही तर...' सुनील शेट्टी राहुलबद्दल जरा स्पष्टच बोलला...

हिंदी सिनेसृष्टीतील नामवंत निर्मिती संस्था ‘कलर यल्लो प्रोडक्शन’ आणि प्रसिद्ध दिग्दर्शक आनंद एल. राय या चित्रपटाची प्रस्तुती करणार आहेत. चलचित्र मंडळी आणि क्रेझी फ्यु फिल्म्स निर्मित हा चित्रपट येत्या दसऱ्याच्या मुहूर्तावर प्रेक्षकांच्या भेटीला येणार आहे. आनंद एल. राय आणि क्षिती जोग चित्रपटाचे निर्माते असून सहनिर्माते विराज गवस, उर्फी काझमी, अजिंक्य ढमाळ आहेत.

Jhimma 2
Bhola Teaser: डोक्यावर भस्म, हातात त्रिशूल; अक्षयच्या 'भोला'चा नवा टीझर प्रेक्षकांच्या भेटीला...

या व्हिडीओत निर्मला (निर्मिती सावंत) पुन्हा एकदा फिरायला जाण्यासाठी त्यांच्या पतीकडे अर्थात साहेबांकडे (अनंत जोग यांच्याकडे) परवानगी मागत आहेत. यावेळी साहेबांनी ट्रीपला जायला होकार ही दिला. मात्र त्यांना नकार देत, पुन्हा एकदा ‘बाया बायाच’ ट्रीपला जायची तयारी करत असल्याचं निर्मला समजावते. साहेब मात्र निर्मलाला सूनबाईंना बरोबर घेऊन जा, असं सांगतात… आता सूनबाई कोण? यावेळी ही ट्रीप कुठे जाणार आणि यात केवळ ‘त्याच’ मैत्रिणी असणार की, आणखी मैत्रिणींची भर पडणार? हे लवकरच कळेल.

निर्माते आनंद एल. राय म्हणतात, "पुन्हा एक मराठी सिनेमा करताना आम्हाला खूप आनंद होतोय. ‘झिम्मा’ला प्रेक्षकांची चांगलीच पसंदी मिळाली. तसेच २०२१ मध्ये बॅाक्स ॲाफिसवर जबरदस्त कमाई करणारा हा चित्रपट ठरला. चित्रपटातून एक चांगला संदेश देण्यात आला ज्याने प्रेक्षक प्रभावित झाले आणि म्हणूनच आम्ही ‘झिम्मा २’ आणण्यास चलचित्र मंडळींना पाठिंबा दिला. क्षिती आणि हेमंत सोबत काम करण्यात आनंद आहे."

Jhimma 2
Supriya Sule: सुप्रिया सुळेंना 'या' वेबसीरिजची पडली भुरळ, पंकज त्रिपाठींसोबत साधला थेट संवाद...

दिग्दर्शक हेमंत ढोमे म्हणतात,"‘झिम्मा’वर प्रेक्षकांनी बरेच प्रेम दिले. यातील प्रत्येकीमध्ये गृहिणींनी, तरुणींनी स्वतःला शोधण्याचा प्रयत्न केला. कधी दोन दिवसही एकट्या घराबाहेर न राहिलेल्या महिलांनी त्यांच्या मैत्रिणींसोबत आठवडाभर बाहेर जाण्याचे प्लॅन्स केले. ‘झिम्मा’ सर्वांनाच खूप जवळचा वाटला. आजही मी कुठे गेल्यावर मला अनेक जणी ‘झिम्मा’ आवडल्याचे आवर्जून सांगतात. अनेकींनी ‘झिम्मा २’ लवकरच प्रेक्षकांसाठी घेऊन या, अशी मागणीही केली. त्या माझ्या सगळ्या मैत्रिणींच्या प्रेमाखातरच मी ‘झिम्मा २’चा निर्णय घेतला आणि आता लवकरच ‘झिम्मा २’ही सीमोल्लंघन करण्यासाठी येणार आहे. या वेळी मजा डबल झाली असून हा चित्रपटही प्रेक्षक तितकाच एन्जॅाय करतील."

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com