Marathi Movie: एकतर्फी प्रेमाची कलरफुल स्टोरी; 'आय प्रेम यु' चित्रपटाचा ट्रेलर प्रदर्शित

I Prem You Trailer Out: मराठी चित्रपट सृष्टीतील अनेक दर्जेदार चित्रपट प्रेक्षकांच्या भेटीला येत आहेत. तसेच हे चित्रपट वेगवगेळ्या धाटणीचे देखील आहेत. असाच एक एकतर्फी प्रेमावर आधारित चित्रपट लवकरच प्रेक्षकांच्या भेटीला येणार आहे.

एका मुलीविषयी वाटणाऱ्या आपुलकीचं प्रेमात होणारं रुपांतर आणि त्यानंतर घडणाऱ्या घडामोडींचं चित्रण 'आय प्रेम यु' करण्यात आले आहे.

नुकताच या चित्रपटाचा ट्रेलर प्रदर्शित झाला आहे. प्रेमाचा आणखी एक वेगळा पैलू 'आय प्रेम यु' या चित्रपटातून पाहायला मिळणार आहे. हा चित्रपट १७ मार्चला प्रदर्शित होणार आहे.

'आय प्रेम यु' या चित्रपटाची निर्मिती साईश्री एंटरटेन्मेंटच्या मधुकर गुरसळ , नितीन कहार यांनी केली आहे. नितीन कहार यांनी चित्रपटाच्या लेखनाची आणि दिग्दर्शयाचीही धुरा सांभाळली आहे.

अविनाश सातोसकर यांनी छायांकन, संजू-संग्राम आणि यशोधन कदम यांनी संगीत दिग्दर्शन केलं आहे. दाक्षिणात्य अभिनेत्री कयादू लोहार या चित्रपटाद्वारे मराठीत पदार्पण करत असून, कयादू आणि अभिजीत आमकर ही फ्रेश जोडी या चित्रपटात आहे.

एकतर्फी प्रेमाला मिळणारी वागणूक, त्यातून होणारे मनोव्यापार या ट्रेलरमधून पाहायला मिळतात. कलरफुल आणि म्युझिकल अशी ही प्रेमकथा ट्रेलरमधूनच लक्ष वेधून घेत आहे.