Marathi Movie Sari: अजिंक्य राऊत- रितिका श्रोत्री यांची अनोखी कहाणी; 'सरी'मध्ये दिसणार प्रेमाचा त्रिकोण

Ajinkya Raut Upcoming Movie: 'सरी' चित्रपटामध्ये तुम्हाला लव्ह ट्रँगल पाहायला मिळणार आहे.
Sari Poster
Sari PosterSaam TV

Marathi Movie Sari Poster Out: मराठी अनेक दर्जेदार चित्रपट प्रेक्षकांच्या भेटीला येत आहेत. अशातच एक नवीन चित्रपट प्रेक्षकांच्या भेटीला येणार आहे. प्रेमावर आधारित असलेला 'सरी' हा चित्रपट येत्या ५ मे रोजी प्रदर्शित होणार आहे.या चित्रपटामधील प्रमुख भूमिकेत असलेल्या कलाकारांचे पोस्टर नुकतेच सोशल मीडियावर प्रदर्शित झाले आहे.

'सरी' चित्रपटामध्ये तुम्हाला लव्ह ट्रँगल पाहायला मिळणार आहे. या चित्रपटामध्ये 'मन उडू उडू झालं' या मालिकेतून घराघरात पोहचलेला अभिनेता अजिंक्य राऊत, रितिका श्रोत्री आणि दाक्षिणात्य सिनेसृष्टीतील प्रसिद्ध अभिनेता पृथ्वी अंबर दिसणार आहे.

Sari Poster
Emraan Hashmi: इमरान हाश्मीची आजी होती टॉपची अभिनेत्री होती, आलिया भटशी आहे खास कनेक्शन

अजिंक्य राऊत, रितिका श्रोत्री आणिपृथ्वी अंबर यांचे प्रेम त्यांना आयुष्याच्या कोणत्या वळणावर नेणार हे पाहणे रंजक ठरणार आहे. 'लाईफ इज फुल्ल ऑफ सरप्राइज अँड मिऱ्याकल्स.' अशी या चित्रपटाची टॅगलाईन आहे.

कॅनरस प्रोडक्शन प्रस्तुत, डॉ. सुरेश नागपाल, आकाश नागपाल निर्मित या चित्रपटाचे लेखन, संकलन दाक्षिणात्य सिनेसृष्टीतील नामवंत दिग्दर्शक अशोका के. एस. यांनी केले असून, सरी या चित्रपटाच्या निमित्ताने प्रथमच मराठीत पदार्पण करत आहेत. तर रिलायन्स एंटरटेनमेंटने या चित्रपटाच्या वितरणाची जबाबदारी सांभाळली आहे.

त्रिकोणी प्रेमकथा असलेल्या 'सरी' या चित्रपटाबद्दल दिग्दर्शक अशोका के. एस. म्हणतात; "गेल्या काही वर्षांत मराठी चित्रपटाने घेतलेली भरारी मी पाहिली आहे. मी दाक्षिणात्य सिनेसृष्टीत कार्यरत असलो, तरी मराठी चित्रपट आवर्जून पाहतो. त्यामुळेच मराठी चित्रपटाचे दिग्दर्शन करण्याची इच्छा होती. ती संधी मला 'सरी' या चित्रपटाद्वारे मिळाली आहे. प्रेक्षकांना ही प्रेमकथा नक्कीच भावेल."

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com