मिका सिंगने निवडली नवरीबाई; कोण आहे आकांक्षा पुरी?
मुंबई - गेल्या दोन महिन्यांहून मिका सिंगचा स्वयंवर या शो चर्चेत होता, अखेर आता गायकाला त्याची जोडीदार मिळाली आहे. अभिनेत्री आकांक्षा पुरी 'स्वयंवर : मिका दी वोटी' या रिअॅलिटी शोची विजेती ठरली आहे. मिका सिंगसोबत (Mika Singh) लग्न करण्यासाठी आकांक्षा पुरीने शोमध्ये वाईल्ड कार्ड एन्ट्री घेतली होती. आकांक्षा प्रेक्षकांचे मनोरंजन करण्यात यशस्वी ठरली आहे. आता तिने हा शो जिंकल्याने लवकरच मिका सिंह तिच्यासोबत लग्न करणार असल्याचे म्हटले जात आहे.
हे देखील पाहा -
सर्वांनी शोमध्ये वधूच्या पेहरावात मिका सिंहला त्यांच्याकडे आकर्षित करण्याचा प्रयत्न केला होता. टॉप 3 मध्ये आकांक्षा पुरी व्यतिरिक्त फक्त पंजाबची नीत महल आणि कोलकाताची प्रांतिका दास होत्या. मात्र, आकांक्षा पुरीने अंतिम फेरीत दास आणि नीत यांना पराभूत करून मिकाच्या हृदयात स्वतःची जागा निर्माण केली.
आकांक्षा-मिकाची जुनी ओळख
या शोमध्ये तीनही स्पर्धकांसाठी हळदी, मेहंदी आणि संगीत यांसारखे विधी कार्यक्रम आयोजित करण्यात आले होते. शेवटी मिकाने निर्णय घेतला आणि त्याची मैत्रिण आकांक्षा पुरी हिची जीवनसाथी म्हणून निवड केली. शोमध्ये प्रवेश केल्यानंतर आकांक्षाने सांगितले होते की ती मिका सिंगची खूप चांगली मैत्रीण आहे. पण मिकाला इतर मुलींच्या जवळ येताना पाहून तिला हेवा वाटू लागला. त्यानंतर तिला मिकाबद्दलच्या तिच्या भावना समजल्या आणि आकांक्षा पुरीने कोणाचीही पर्वा न करता मिका की दुल्हनिया बनण्यासाठी तिच्या स्वयंवरमध्ये वाईल्ड कार्ड एंट्री घेतली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.