Movie On OTT: एप्रिल महिन्यात OTTवर या चित्रपटांची मेजवानी; घरबसल्या लुटा दमदार चित्रपटांचा आनंद

Movies On OTT: सलमान खान स्टारर 'किसी का भाई किसी की जान' आणि ऐश्वर्या राय बच्चनचा 'PS-2' सारखे बिग स्टार कास्ट आणि बजेट चित्रपट एप्रिलमध्ये चित्रपटगृहांमध्ये प्रदर्शित होणार आहेत. त्याचसह मराठीतही अनेक चित्रपट प्रेक्षकांच्या भेटीला एप्रिल महिन्यात चित्रपटगृहात पाहता येणार आहेत.

ओटीटीवर देखील प्रेक्षकांसाठी चित्रपटांची पर्वणी असणार आहे. यापैकी काही चित्रपट चित्रपटगृहांमध्ये प्रदर्शित झाले आहेत आणि आता OTT वर येत आहेत. तर दक्षिणेतील काही चित्रपट हिंदी भाषेतही प्रदर्शित होत आहेत.

१ एप्रिल

कार्तिक आर्यन आणि क्रिती सेननचा 'शेहजादा' चित्रपट 1 एप्रिलला नेटफ्लिक्सवर येणार असल्याची माहिती आहे. मात्र कोणत्या प्लॅटफॉर्मवर आपल्याला हा चित्रपट पाहायला मिळणार हे अद्याप कळलेले नाही.

याशिवाय नेटफ्लिक्सवर 'कंपनी ऑफ हीरोज', 'फाइंडिंग यू' आणि 'जारहेड - द सीज 3' यासह अनेक इंग्रजी चित्रपट ओटीटीवर येत आहेत.

५ एप्रिल

'बॅबिलोन' BookMyShow वर प्रवाहित होत आहे. हा २०२२ सालचा ब्लॅक कॉमेडी ड्रामा चित्रपट आहे. या चित्रपटात ब्रॅड पिट, मार्गोट रॉबी आणि डिएगो कॅल्व्हा यांच्या प्रमुख भूमिका आहेत.

७ एप्रिल

काल्पनिक साहसी चित्रपट 'छुपा' नेटफ्लिक्सवर येणार आहे. ही कथा आहे एका मुलाची ज्याला मेक्सिकोमध्ये आजोबांच्या शेडमध्ये छुपाकाब्रा (chupacabras) हा विचित्र प्राणी सापडतो. छुपाकाब्रा अमेरिकन लोककथांमध्ये आढळते, ज्याला स्पॅनिशमध्ये शेळी शोषक म्हणतात, कारण ते जिवंत प्राण्यांच्या रक्तावर जिवंत राहतात.

डिस्ने प्लस हॉटस्टारवर मल्याळम चित्रपट 'रोमंचम' पाह्यला मिळणार आहे. हा चित्रपट हिंदी भाषेतही प्रदर्शित होत आहे. ही कॉमेडी हॉरर कथा काही वर्षांपूर्वी बेंगळुरूमध्ये घडलेल्या एका घटनेवर आधारित आहे, जिथे सात बॅचलर प्लॅनचेट करतात.

'कब्जा' प्राइम व्हिडिओवर कन्नडमध्ये ओटीटीवर येणार आहे. मात्र, हिंदी भाषेतील रिलीजची तारीख अद्याप समोर आलेली नाही. 'कब्जा' सिनेमागृहात प्रदर्शित झाला आहे. चित्रपट हिंदी प्रेक्षकांना प्रभावित करण्यात अपयशी ठरला.

१४ एप्रिल

'मिसेस अंडरकव्हर' ZEE5 वर पाहता येणार आहे. हा एक स्पाय कॉमेडी चित्रपट आहे, ज्यामध्ये राधिका आपटे गृहिणी आणि एजंटची भूमिका साकारत आहे. अबीर सेनगुप्ता दिग्दर्शित या चित्रपटात राधिकाशिवाय राजेश शर्मा आणि सुमीत व्यास मुख्य भूमिकेत दिसणार आहेत.

२८ एप्रिल

'पीटर पॅन अँड वेंडी' डिस्ने प्लस हॉटस्टारवर प्रदर्शित होत आहे. चित्रपटाच्या केंद्रस्थानी वेंडी डार्लिंग आहे, जिला तिचे बालपणीचे घर सोडायचे नाही. वेंडी पीटर पॅनला भेटते. वेंडी पीटर पॅनला भेटते. पॅन हा साला मुलगा आहे ज्याला मोठे व्हायचे नसते.