Mumbai News : मुंबईत वेबसीरीज तयार करणाऱ्या परदेशी कलाकारांविरोधात गुन्हा नोंद; कारण?

Mumbai News: मुंबईमध्ये अनेकजण काम करण्यासाठी येत असतात. कामानिमित्त होणाऱ्या या स्थलांतरामध्ये आता परदेशी नागरिकांचा देखील समावेश झाला आहे. प्रवासी विजा घेऊन 17 परदेशी कलाकार वेबसीरीजमध्ये काम करण्यासाठी भारतात आले होते. या सर्व कलाकारांवर मुंबई पोलिसांनी कारवाई केली आहे. सर्व कलाकरांना दहिसर पोलिसांनी ताब्यात घेतले आहे. तसेच प्रवासी विजा घेऊन कामासाठी आलेल्या या कलाकारांवर गुन्हा नोंदवून पोलिसांनी पुढील तपास सुरू केला आहे.

मुंबईच्या दहिसर पोलीस ठाण्यात 17 परदेशी अभिनेते आणि अभिनेत्री विरोधात गुन्हा नोंदवण्यात आला आहे. यात दहा महिला आणि सात पुरुषांचा समावेश आहे. पोलिसांनी दिलेल्या माहितीनुसार हे सर्व लोक प्रवासी विजा घेऊन मुंबईत आले होते आणि वेब सीरिजचे शूटिंग करत होते. दहिसर पोलिसांना माहिती मिळताच पोलीस चित्रीकरणाच्या स्थळी पोहोचले. पोलिसांनी चित्रीकरण थांबवून तपास केला. तपासातून या सर्व विदेशी कलाकारांनी विजा नियमांचे उल्लंघन केल्याचं निष्पन्न झाले आहे. या सर्व परदेशी कलाकारांवर गुन्हा नोंद करण्यात आला आहे. (Web Series)

दहिसर पोलीस ठाण्यातील ताब्यात घेतलेल्या कलाकारांकडे शूटिंगसाठीची परवानगी देखील होती. यातील काही लोक डान्सर तर काही बॅक स्टेज कलाकार आहेत. हे सर्व कलाकार डेली बेसिसवर पगार घेऊन काम करत होते. यातील बरेचसे कलाकार रशिया आणि युकेतील विविध देशांमधील आहेत.पोलिसांनी या सर्व कलाकारांविरोधात फॉरेन 1946 नुसार गुन्हा नोंदवला आहे. तसेच पोलीस आता पुढील तपास करत आहे. (Mumbai Police)