बॉलिवूडची प्रसिद्ध गायिका नेहा कक्कर (Neha Kakkar)चा पती रोहनप्रीत सिंगसोबत (Rohan Preet Singh) चोरीचे प्रकरण समोर आले आहे. कुल्लू-मनालीला (Kullu ManalI) भेट देण्यासाठी आलेला रोहनप्रीत सिंग हिमाचल प्रदेशातील (Himachal Pradesh) मंडी जिल्ह्यातील एका प्रसिद्ध हॉटेलमध्ये थांबला होता, तेथून त्याची अॅपल वॉच, आयफोन आणि हिऱ्याची अंगठी चोरीला गेली. या घटनेची माहिती पोलिसांना देण्यात आली, त्यानंतर पोलिसांनी गुन्हा दाखल करून तपास सुरू केला.
मिळालेल्या माहितीनुसार, रोहनप्रीत सिंग चंदिगड-मनाली राष्ट्रीय महामार्गावर मंडी शहराजवळील एका प्रसिद्ध हॉटेलमध्ये थांबला होता. तो झोपेपर्यंत त्याचे घड्याळ, अॅपल आयफोन आणि हिऱ्याची अंगठी आणि इतर वस्तू त्याच्याजवळ होत्या. झोपताना त्याने या सर्व वस्तू जवळच ठेवलेल्या टेबलावर ठेवल्या. सकाळी उठलो तेव्हा टेबलावरुन सर्व वस्तू गायब होत्या, असे सांगण्यात आले आहे.
हॉटेल व्यवस्थापनाने पोलिसांना माहिती दिली,
हॉटेल व्यवस्थापनाने सांगितले की, खूप शोधाशोध करूनही रोहनप्रीतचे सामान सापडले नाही, तेव्हा त्याने हॉटेल व्यवस्थापनाला याची माहिती दिली. हॉटेल व्यवस्थापनाने सामान हरवल्याची माहिती पोलिसांना दिली. प्रकरण हायप्रोफाईल असल्याने पोलिसांनी तातडीने तपास सुरू केला.
एसपी मंडी म्हणाले...;
एसपी मंडी शालिनी अग्निहोत्री यांनी या संपूर्ण प्रकरणाला दुजोरा दिला आहे. या चोरीच्या गुन्ह्याचा शोध घेण्यासाठी पोलीस हॉटेल कर्मचारी व कर्मचाऱ्यांची चौकशी करत असल्याचे त्यांनी सांगितले. यासोबतच हॉटेलमध्ये लावण्यात आलेले सीसीटीव्ही कॅमेरेही तपासण्यात येत असून, त्यामुळे चोरीच्या घटनेचा छडा लवकर लावता येईल, अशीही माहिती त्यांनी दिली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.