What Is Naatu Naatu Meaning: एस एस राजामौली दिग्दर्शित RRR चित्रपटाची सध्या भारतातच नाही परदेशातही हवा आहे. नुकताच चित्रपटाला ऑस्कर २०२३ मध्ये सर्वोत्कृष्ट मुळ गाण्याचा पुरस्कार मिळाला. अशातच भारतीयांसाठी ही अभिमानास्पद बातमी म्हणावी लागेल. साऊथच्या या ब्लॉकबस्टर चित्रपटातील 'नाटू नाटू' गाणे बनवण्यासाठी कलाकारांना खूप मेहनत घ्यावी लागली आहे.
तुम्हाला माहित आहे का या गाण्याची सिग्नेचर स्टेप बनवण्यासाठी किती वेळ लागला?, सोबतच गाण्याचा अर्थ काय?, आणि इत्यादी अशी महत्वपूर्ण माहिती या बातमीत आपण जाणून घेणार आहोत.
जगभरातील सर्वच प्रेक्षकांना भुरळ घालणारे हे गाणे पहिल्यांदा तमिळ भाषेत बनवण्यात आले होते. सोबतच हा चित्रपट हिंदी भाषेत बनवण्यात आला असून हिंदीतही त्याला प्रेक्षकांनी भरघोस प्रतिसाद दिला. या गाण्याने चित्रपटाला एक वेगळेच स्थान मिळवून दिले आहे. अशातच हा चित्रपट ज्या भाषांमध्ये प्रदर्शित झाला, त्या भाषांमध्ये त्याची म्युझिक, रिदम आणि डान्सच्या हूक स्टेप्स सारख्याच ठेवल्या आहे.
आपण नाटू नाटू हे गाणे अनेकदा ऐकले असेलच. गाणे प्रदर्शित झाल्यापासून या गाण्याचे रिदमने भल्याभल्यांना ताल धरायला लावलं आहे, ही महत्वाची बाब. या लोकप्रिय गाण्याचे हिंदी व्हर्जन 'नाचो-नाचो' खूपच लोकप्रिय झाले असून कन्नड भाषिकांसाठी 'हल्ली नातू' तर मल्याळममध्ये 'करेंथॉल' आणि तमिळमध्ये 'नट्टू कूथू'या रिदमने प्रेक्षकांचे मन जिंकले.
या गाण्याचे चित्रीकरण आणि हूक स्टेप्स ज्या पद्धतीने सादर करण्यात आल्या आहेत, ते खरंच खूप सुंदर आहे. त्याचे श्रेय नृत्य दिग्दर्शक (Choreographer) प्रेम रक्षित यांना जाते. नृत्य दिग्दर्शक प्रेम रक्षित यांनी कठोर परिश्रमानंतर या हूक स्टेप्स मध्ये अनेक सुधारणा केल्या आणि त्या ज्युनियर एनटीआर-रामचरण यांना शिकवल्या. एका मुलाखतीत ज्युनियर एनटीआर सांगत होते की, गाण्याच्या हूक स्टेप्स दिसायला खूप कठीण वाटतात, पण खरं तर त्या सोप्या होत्या, पण त्यांनी त्या अवघड केल्या होत्या, मी हे खरं बोलत नसून फक्त मस्तीमध्ये बोलतोय.
ज्युनियर एनटीआर आरआरएच्या प्रमोशन दरम्यान सांगत होते की, जेव्हा आम्ही हा डान्स शिकत होतो त्यावेळी मला आणि राम चरणला खूपच प्रॅक्टिस करावी लागली होती. या स्टेप आम्हाला दोघांनाही १८ वेळा स्टेप कराव्या लागल्या होत्या. १८ व्या प्रॅक्टिसमध्ये ती स्टेप बरोबर येऊ लागली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
