RIP Krishnam Raju: बाहुबलीवर दुःखाचा डोंगर; सुपरस्टार प्रभासचे काका कृष्णम राजू यांचे निधन

प्रभासचे ते काका उप्पलती कृष्णम राजू यांनी आज म्हणजे ११ सप्टेंबर रोजी अखेरचा श्वास घेतला.
Krishnam Raju
Krishnam RajuSaam Tv

मुंबई : दाक्षिणात्य सिनेसृष्टीतील रिबेल स्टार म्हणून प्रसिद्ध असलेले तसेच 'बाहूबली' स्टार प्रभासचे(Prabhas) ते काका उप्पलती कृष्णम राजू(Krishnam Raju) यांनी आज म्हणजे ११ सप्टेंबर रोजी अखेरचा श्वास घेतला. वयाच्या ८२ व्या वर्षी त्यांनी जगाचा निरोप घेतला. गेल्या काही दिवसांपासून ते आरोग्याच्या समस्येने त्रस्त होते. त्यांच्या अचानक निधनाने दाक्षिणात्य सिनेसृष्टीवर शोककळा पसरली आहे. आपल्या अभिनयाच्या जोरावर त्यांनी पाच दशके टोलिवूड इंडस्ट्रीवर राज्य केले आणि १८७ हून अधिक चित्रपटांमध्ये त्यांनी काम केले. उप्पलती कृष्णम राजू शेवटचे पुतण्या प्रभाससोबत 'राधे श्याम' चित्रपटात दिसले होते.

Krishnam Raju
Bigg Boss marathi : 'बिग बॉस नको, मालिकाच बरी' ; रुपाली भोसलेला चाहत्यांकडून खास सल्ला

कृष्णम राजू यांचा जन्म २० जानेवारी १९४० मध्ये आंध्रप्रदेशातील पश्चिम गोदावरी जिल्ह्यातील मोगलथुर येथे झाला होता. त्यांनी आपल्या सिनेसृष्टीतील कारकिर्दित १८७ चित्रपटात काम केले आहे. त्यांनी 'चिलाका गोरिंका' या चित्रपटाद्वारे आपल्या कारकिर्दीला सुरुवात केली होती. कृष्णम राजू यांनी पदार्पणामध्ये सर्वोत्कृष्ट अभिनेत्यासाठी 'नंदी पुरस्कार' मिळाला असून त्यांना साऊथ इंडस्ट्रीमध्ये ५ फिल्मफेअर पुरस्कार मिळाले आहेत. सोबतच त्यांनी ३ राज्य नंदी पुरस्कारावर आपले नाव कोरले.

Krishnam Raju
Payad Marathi Movie : मराठी चित्रपटाचा जगात डंका; जगप्रसिद्ध 'फोर्ब्स मॅगझिन'ने घेतली 'पल्याड'ची दखल

अभिनयानंतर कृष्णम राजू राजकारणात सक्रिय होते. त्यांनी १९९० मध्ये भारतीय जनता पक्षात प्रवेश केला. नंतर त्यांनी काकीनाडा नरसापूरम या मतदार संघातून निवडणूक लढवली आणि ते अनुक्रमे निवडूनही आले. विशेष म्हणजे १९९९ ते २००४ या कालावधीत तिसऱ्या वाजपेयी मंत्रीमंडळात परराष्ट्र मंत्रालयाचे राज्यमंत्री पद त्यांनी भूषवले होते. २००९ मध्ये त्यांनी चिरंजीवींनी स्थापन केलेल्या 'प्रजाराज्यम' या पक्षात प्रवेश केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com