Priyanka Chopra : प्रियांका चोप्रानं शेअर केला बाथरूममधील व्हिडिओ, चाहतेही पडले विचारात!

मुंबई: बॉलिवूडसोबत हॉलिवूडमध्येही आपल्या अभिनयाचा ठसा उमटवणारी देसी गर्ल अभिनेत्री प्रियांका चोप्रा(Priyanka Chopra) नेहमीच चर्चेत असते. अभिनेत्री प्रियांका चोप्राच्या प्रोफेशनल लाईफपासून पर्सनल लाइफपर्यंत प्रत्येक गोष्ट सोशल मीडियावर व्हायरल होत असते. सोशल मीडियावर(Social Media) नेहमी अॅक्टिव्ह असणाऱ्या प्रियांकाने नुकतीच तिच्या इन्स्टाग्राम हॅंडलवर एक पोस्ट शेअर केली आहे. या पोस्टमध्ये प्रियंका चोप्राने एक व्हिडीओ शेअर केला आहे, ज्याने तिच्या चाहत्यांचे लक्ष वेधून घेतले आहे.

तिच्या अधिकृत इन्स्टाग्राम हॅंडलवरील नवीन व्हिडीओमध्ये प्रियांका चोप्राने मिरर सेल्फीसह एक व्हिडीओ शेअर केला आहे. या व्हिडिओमध्ये ती बाथरूमच्या आरशासमोर उभी असलेली दिसत आहे. ती आरशावर स्वतःच्या हाताने २६ ऑगस्ट ही तारीख लिहिते. आता या पोस्टवर प्रियांकाचे चाहते व्यक्त होत आहेत.

तिच्या पोस्टमध्ये प्रियांका आरशावर तारीख लिहून काहीतरी सूचित करत आहे असे दिसून येते. तिच्या कॅप्शनमध्ये लिहिले आहे की, 'मी हे रीव्हिल करण्यासाठी प्रतीक्षा करू शकत नाही'. आता २६ ऑगस्ट २०२२ रोजी प्रियांका कोणता मोठा खुलासा करणार आहे, हे पाहणे उत्सुकतेचे ठरेल. चाहत्यांचा अंदाज आहे की कदाचित तिचा एखादा सिनेमा येणार आहे, ज्याची ती तिच्या चाहत्यांना हिंट देत आहे.

वर्कफ्रंटबद्दल बोलायचे झाले तर, प्रियांका लवकरच 'जी ले जरा' या बॉलिवूड सिनेमात दिसणार आहे. तसेच 'शीला' हा सिनेमाही त्याच्यासाठी या वर्षातील मोठा सिनेमा आहे. बॉलिवूड व्यतिरिक्त त्याच्याकडे हॉलिवूडचे प्रोजेक्ट्स आहेत. अँथनी मॅकीसोबत ती 'एंडिंग थिंग्स' या सिनेमात आणि 'सिटाडेल' या आगामी वेब सीरीजमध्ये दिसणार आहे.