Raghav Chadha-Parineeti Chopra Engagement Photo: परिणीती चोप्रा आणि राघव चड्ढा त्यांच्या साखरपुड्यानंतर चर्चेत आहेत. परिणीती आणि राघव सोशल मीडियावर एंगेजमेंटचे फोटो शेअर केले आहेत. ज्यावर त्यांचे चाहते लाईक्स आणि कमेंटचा वर्षाव करत आहेत. दोन दिवसांपूर्वी परिणिती चोप्राने एंगेजमेंटचे फोटो शेअर केले होते. तसेच तिने राघवला तिचा जीवन साथीदार म्हणून कसे निवडले ते देखील सांगितले.
आता राघवने त्याच्या होणारी पत्नी परिणीतीसाठी एक खास पोस्ट शेअर केली आहे. राघवने सांगितले आहे की, परिणीती त्याच्या जीवनात सुख घेऊन आहे.
राघवने शेअर केलेल्या फोटोंमध्ये हे क्यूट कपल एंगेजमेंटचा आनंद घेताना दिसत आहेत. एकमेकांमध्ये हरवलेले परिणीती-राघव खूपच क्यूट दिसत आहेत. (Latest Entertainment News)
फोटो शेअर करत राघवने लिहिले - 'आणि एका अद्भुत दिवशी, एका सुंदर मुलीने माझ्या आयुष्यात प्रवेश केला, तिच्या हसण्याने माझे जीवन विविध रंगानी भरून गेले. तिने प्रेम आणि सहवासाचे वचन दिले.
आमचा साखरपुडा हा आनंदाचा प्रसंग होता यात शंकाच नाही, आनंदाश्रू, गंमतीजंमती, आनंद आणि मजा आणि नृत्याने आमच्या नातेवाईकांना आणि प्रियजनांना जवळ आणले. अगदी पंजाबी पद्धतीने.'
राघवने परिणीतीसाठी एक खास पोस्ट शेअर करताच अभिनेत्रीने लगेचच त्यावर प्रतिक्रिया दिली. परिणीतीला राघवची पोस्ट आवडली. तर राघवच्या सासूने हार्ट इमोजी पोस्ट केले आहेत. फॅन्सही कमेंट करून राघवचे कौतुक करत आहेत. एका यूजरने लिहिले - काहीही म्हणा, जोडी छान आहे.
परिणीतीने देखील सोशल मीडियावर पोस्ट शेअर करत तिने राघवाची निवड कशी केली हे सांगितले आहे. दोघेही ब्रेकफास्टसाठी भेटले होते त्यानंतर तिने राघवशी लग्न करण्याचा निर्णय घेतला. मला माझ्या या निर्णयामुळे जीवनात समाधान मिळाल्याची जाणीव झाली.
राघव चड्ढा आणि परिणीती चोप्राचा 13 मे रोजी कपूरथला, दिल्ली येथे साखरपुडा पार पडला. एंगेजमेंटपूर्वी दोघेही अनेकदा डिनर डेटवर स्पॉट झाले होते. तसेच दोघे आयपीएल बघण्यासाठी देखील एकत्र गेले होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.