जान्हवीनं 'या' अभिनेत्याला विकलं तिचं अलिशान घर; किंमत ऐकून सर्वसामान्यांचे डोकेच चक्रावून जाईल

मुंबई: बॉलिवूड स्टार्स त्यांच्या कमाईतला मोठा हिस्सा प्रॅापर्टी आणि गुंतवणुकीवर खर्च करत असतात. गेल्या काही दिवसांत अनेक बॅालिवूड स्टार्सने नवी प्रॅापर्टी खरेदी केली. आता बॉलिवूडचा प्रसिद्ध अभिनेता राजकुमार रावने(Rajkumar Rao) देखील आपल्या मालमत्तेत मोठी भर घातली आहे. राजकुमार रावने हल्लीच स्वत:साठी एक आलीशान अपार्टमेंट खरेदी केले आहे. विशेष म्हणजे राजकुमारने हे घर बॉलिवूड अभिनेत्री जान्हवी कपूरकडून(Janhvi Kapoor) विकत घेतले आहे.

माहितीनुसार, राजकुमार रावने एक आलीशान ट्रिपलेक्स अपार्टमेंट खरेदी केले आहे. राजकुमारने हे अपार्टमेंट ४४ कोटी रुपयांना विकत घेतले आहे. हे अपार्टमेंट मुंबईमध्ये जुहू येथे आहे. विशेष म्हणजे त्याने हे अपार्टमेंट अभिनेत्री जान्हवी कपूरकडून खरेदी केले आहे. राजकुमार आणि जान्हवीने 'रुही' या चित्रपटात एकत्र काम केले होते. या चित्रपटात दोघांची उत्तम केमिस्ट्री पाहायला मिळाली होती. हे घर विकत घेताना राजकुमार खूप खूश आहे. तर जान्हवीने हे घर विकून कोट्यवधींचा नफाही कमावला आहे.

दोन वर्षांपूर्वी जान्हवी कपूरने स्वतः ही प्रॉपर्टी खरेदी केली होती. जान्हवीने डिसेंबर २०२० मध्ये ३९ कोटी रुपयांना हे घर खरेदी केलं होते. या डीलमधून जान्हवीला ५ कोटी रुपयांचा फायदा झाला आहे. हे घर ३४५६ स्क्वेअर फूट इतके आहे. त्याची प्रति स्क्वेअर फूट किंमत १.२७ लाख रुपये आहे.

या अपार्टमेंटची इमारत बॉलिवूडमधील प्रसिद्ध निर्माते आणि बिल्डर आनंद पंडित यांनी बांधली आहे. या इमारतीचे लोटस आर्या असे नाव आहे. माहितीनुसार, राजकुमार राव आणि त्याची पत्नी अभिनेत्री पत्रलेखा या दोघांनी मिळून हा अपार्टमेंट खरेदी केला आहे. राजकुमार रावचा हा नवीन अपार्टमेंट १४व्या, १५व्या आणि १६व्या मजल्यापर्यंत मोठा आहे. या इमारतीत अनेक बॉलिवूड सेलिब्रिटी देखील राहतात.