Raju Srivastava Health Update: राजू श्रीवास्तवच्या प्रकृतीबाबत मॅनेजरनं दिली महत्वाची अपडेट

राजू श्रीवास्तव सध्या दिल्लीतील एम्स रुग्णालयात उपचार घेत असून, व्हेंटिलेटरवर आहे.
Raju Srivastava Health Update/rajusrivastavaofficial/instagram
Raju Srivastava Health Update/rajusrivastavaofficial/instagramSAAM TV

Raju Srivastava Health Update Today | नवी दिल्ली: विनोदवीर आणि अभिनेता राजू श्रीवास्तव (Raju Srivastava) हा गेल्या आठवड्यात हृदयविकाराचा झटका आल्यानंतर रुग्णालयात उपचार घेत असून, त्याला व्हेंटिलेटरवर ठेवण्यात आले आहे.

गेल्या आठवडाभरापासून त्याची प्रकृती गंभीर असून, सध्या तो दिल्लीच्या एम्स रुग्णालयात आहे. सध्या तो बेशुद्धावस्थेत असून, डॉक्टरांचं पथक त्याच्यावर उपचार करत आहे. त्याला शुद्धीवर आणण्याचे प्रयत्न सुरू आहेत. त्याचवेळी राजू श्रीवास्तवचा मॅनेजर नयन सोनी याने राजूच्या प्रकृतीबाबत अपडेट दिली आहे.

राजू श्रीवास्तवच्या प्रकृतीत (Health) आता किंचित सुधारणा होत आहे. शरीराची हालचाल वाढत आहे. मात्र, तो शुद्धीवर येण्यासाठी अद्याप आठवडाभराचा कालावधी लागेल, असे त्याच्या मॅनेजरने सांगितले.

मॅनेजर नयन सोनी याने सांगितले की, 'राजू श्रीवास्तवच्या प्रकृतीत थोडी सुधारणा होत आहे. पीटीआयच्या वृत्तानुसार, नयन सोनीने सांगितले की, त्याची प्रकृती हळूहळू सुधारत आहे. उपचारांना तो प्रतिसाद देत आहे. राजूच्या शरीराच्या हालचाली काही प्रमाणात वाढलेल्या आहेत. सध्या तो आयसीयूमध्ये व्हेंटिलेटरवर आहे.'

Raju Srivastava Health Update/rajusrivastavaofficial/instagram
Raju Srivastav: राजू श्रीवास्तव यांची प्रकृती चिंताजनक; अजूनही शुद्धीवर नाही

स्टॅण्डअप कॉमेडियन राजू श्रीवास्तव हा १० ऑगस्ट रोजी व्यायाम करताना अचानक खाली कोसळला. त्याची प्रकृती बिघडली होती. त्याला तातडीने दिल्लीच्या एम्स रुग्णालयात दाखल करण्यात आले होते. त्याला हृदयविकाराचा झटका आल्याच्या वृत्ताला डॉक्टरांनी दुजोरा दिला होता. त्याची एन्जिओप्लास्टीही झाली होती. अद्याप त्याची प्रकृती चिंताजनक असल्याचे सांगण्यात येत आहे. दरम्यान, आता तो उपचारांना प्रतिसाद देत आहे.

Raju Srivastava Health Update/rajusrivastavaofficial/instagram
Heart attack : कॉमेडियन राजू श्रीवास्तव यांना ट्रेडमिलवर धावताना हृदयविकाराचा झटका, ही परिस्थिती कशी निर्माण होते ? जाणून घ्या

राजू श्रीवास्तवच्या प्रकृतीत सुधारणा होत असल्याचे त्याच्या मॅनेजरने सांगितले आहे. त्यामुळे राजूचे कुटुंबीय आणि चाहत्यांच्या चेहऱ्यावर काहीसा आनंद आहे. राजू लवकरात लवकर बरा होऊन घरी परत यावा, यासाठी त्याचे चाहते प्रार्थना करत आहेत.

अभिनेता शेखर सुमननेही अलीकडेच राजू श्रीवास्तवच्या प्रकृतीबाबत माहिती दिली होती. शेखर सुमन हा त्याचा जवळचा मित्र आहे. राजू श्रीवास्तवची प्रकृती आता स्थिर आहे, असे ट्विट त्याने केले होते. तुमच्या प्रार्थनेमुळे त्याच्या प्रकृतीत सुधारणा होत असून, प्रार्थना सुरूच ठेवा, असं आवाहन शेखर सुमननं केलं होतं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com