Raju Srivastav : 'हमे तुमसे प्यार कितना', राजू श्रीवास्तव यांचा कुटुंबासोबतचा शेवटचा व्हिडिओ व्हायरल

राजू श्रीवास्तव यांचा शेवटचा व्हिडिओ सोशल मीडियावर मोठ्या प्रमाणात व्हायरल होतं आहे.
Raju Srivastav
Raju SrivastavSaam Tv

मुंबई : प्रसिद्ध कॉमेडियन आणि चित्रपट अभिनेते राजू श्रीवास्तव(Raju Srivastav) यांचे वयाच्या ५८ व्या वर्षी निधन झाले. १० ऑगस्ट रोजी त्यांना हृदयविकाराचा झटका आला होता. त्यानंतर त्यांना दिल्लीतील(Delhi) अखिल भारतीय आयुर्विज्ञान संस्थेत (एम्स) रुग्णालयामध्ये दाखल करण्यात आले, तेथे त्यांनी काल (बुधवार) अखेरचा श्वास घेतला. त्यांच्या निधनानंतर संपूर्ण चित्रपटसृष्टीत शोककळा पसरली आहे. आता राजू श्रीवास्तव यांचा शेवटचा व्हिडिओ सोशल मीडियावर मोठ्या प्रमाणात व्हायरल होतं आहे. ज्यामध्ये राजू फॅमिली फंक्शनमध्ये हसताना आणि गाताना दिसत आहे.

Raju Srivastav
Koffee With Karan:आर्यन खानच्या अटकेबाबत गौरी खान पहिल्यांदाच इतकी स्पष्ट बोलली; म्हणाली, तो काळ...

मीडिया रिपोर्टनुसार, राजू श्रीवास्तव यांचा हा व्हिडिओ एम्समध्ये दाखल होण्याच्या १५ दिवसांपूर्वीचा आहे. त्यांची तब्येत बिघडण्याच्या १५ दिवस आधी ते लखनऊच्या राजाजीपुरम येथे त्यांच्या नातेवाईकाच्या घरी लग्न सोहळ्यासाठी गेले होते. यावेळी ते कुटुंबासोबत आनंद लुटताना दिसले. राजू श्रीवास्तव यांनी काही गाणीही गायली, ज्याचा व्हिडिओ सध्या सोशल मीडियावर प्रचंड व्हायरल होत आहे.

Raju Srivastav
Raju Shrivastav: आज पहिल्यांदाच तुम्ही... विनोदवीराच्या निधनानंतर कपिल शर्मा भावूक; पोस्ट व्हायरल

१० ऑगस्ट रोजी राजू श्रीवास्तव जिममध्ये वर्कआउट करत होते. त्यानंतर ट्रेडमिलवर व्यायाम करत असताना त्यांना छातीत दुखू लागले आणि ते खाली पडले. यानंतर त्यांना रुग्णालयात दाखल करण्यात आले, तेथे डॉक्टरांनी त्यांना हृदयविकाराचा झटका आल्याचे सांगितले. १ महिन्याहून अधिक उपचारांनंतर काल त्यांचे दिल्लीतील एम्स रुग्णालयामध्ये निधन झाले.

१९८० दशकाच्या उत्तरार्धापासून मनोरंजन विश्वात काम करत असलेले राजू श्रीवास्तव यांनी 'द ग्रेट इंडियन लाफ्टर चॅलेंज' या स्टँड-अप कॉमेडी शोच्या पहिल्या सत्रात भाग घेतला, नंतर २००५ मध्ये त्यांना प्रचंड लोकप्रियता मिळवली. त्यांनी 'मैने प्यार किया', 'बाजीगर', 'बॉम्बे टू गोवा' (रिमेक) आणि 'आमदनी अठन्नी खर्चा रुपैया' यांसारख्या चित्रपटांमध्ये काम केले. राजू 'बिग बॉस' सीझन ३ मध्येही सहभागी झाले होते. काही काळ समाजवादी पक्षाशी संबंधित राहिल्यानंतर राजू यांनी २०१४ मध्ये भारतीय जनता पक्षात प्रवेश केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com