Rakhi Sawant: सलमानला मिळालेल्या धमकीवर राखीची प्रतिक्रिया, ‘सलमान भाईच्या शत्रूंचे डोळे...’ म्हणत केली टीका

Rakhi Sawant And Salman Khan: राखी सावंतचा सध्या सोशल मीडियावर एक व्हिडिओ चांगलाच व्हायरल होत आहे. व्हिडीओमध्ये राखी सावंत सलमान खानला मिळालेल्या जीवे मारण्याच्या धमकीवर प्रतिक्रिया देत आहे. त्या व्हिडीओत राखी सावंत म्हणते, “सलमान खान एक दिग्गज सेलिब्रिटी आहे, त्याच्याबद्दल कोणीही असा वाईट विचार करू नये.”

सलमान खानच्या विरोधात बोलणाऱ्यांना राखी सावंत म्हणते, “सलमान खान एक धार्मिक व्यक्ती आहे. गोरगरिबांना मदत करणारा तो महापुरुष आहे. सलमानसाठी प्रार्थना करा. तो लोकांसाठी खूप काही उत्कृष्ट काम करतो. अंबानीपेक्षा तो किती श्रीमंत आहे माहीत आहे का? सलमान भाईच्या शत्रूंचे डोळे फुटू दे. त्यांची स्मृती संपुष्टात येवो. मी सलमान भाईसाठी प्रार्थना करते, कोणीही त्याच्याबद्दल वाईट विचार करू नये.”

सोबतच पुढे राखी म्हणते, “जे लोक सलमान भाईच्या विरोधात मुलाखती देत ​​आहेत, त्यांना मला सांगायचे आहे की, त्यांनी तुमचे काय केले आहे. हात धुवून तुम्ही माझ्या भावाच्या मागे का पडला आहात? तो खूप धार्मिक आहे, कृपया त्याला फॉलो करणं थांबवा. भाऊ खूप श्रीमंत आहे, तरीही तो वन बीएचकेमध्ये राहतो. तो नेहमीच लोकांसाठी खूप काही मदत करतो. त्याने माझ्या आईसाठी इतकं केलं आहे की, त्याचं ऋण फेडता येणार नाही.”

सलमान खानच्या घराच्या सुरक्षेत वाढ करण्यात आली आहे. आठवड्याभरापूर्वी सलमान खानला जीवे मारण्याची धमकी आली होती. लॉरेन्स बिष्णोईने तुरुंगातून एका हिंदी वृत्तवाहिनीला दिलेल्या मुलाखतीत त्याने सलमानसाठी बरेच काही सांगितले होते. 'सलमान बिश्नोई समाजाने माफी मागावी', असे लॉरेन्सने म्हटले होते. यासोबतच लॉरेन्सने सलमान खानला स्पष्टपणे धमकी दिली होती. त्याचवेळी, यानंतर अभिनेत्याच्या टीमला धमकीचा ईमेलही आला होता.