Ramayan Video Shared Sunil Lahri: रामायण आणि महाभारत या मालिकांना आणि त्यातील कलाकारांना प्रेक्षकांनी डोक्यावर घेतलं होत. 80 च्या दशकात दर रविवारी टीव्हीवर रामायण या मालिकांचे भाग प्रसारित व्हायचा. दरम्यान जेव्हा ही मालिका दूरदर्शनवर यायची तेव्हा रस्त्यावर शांतता पसरायची. लोक पूर्ण श्रद्धेने आंघोळ करून टीव्हीसमोर बसायचे.
मालिकेतील पात्रांना प्रत्यक्षात देखील देवासारखी वागणूक मिळायची. 2020 मध्ये पुन्हा एकदा इतिहासाची पुनरावृत्ती झाली. जेव्हा कोरोना काळात संपूर्ण लॉकडाऊनमध्ये अडकला होता तेव्हा मालिका पुन्हा प्रसारित करण्यात आली. यावेळी 'रामायण' मालिकेतील एका एपिसोडने रेकॉर्डब्रेक टीआरपी मिळवला.
रामायणातील लक्ष्मण म्हणजे सुनील लाहिरी यांनी सोशल मीडियावर एक पोस्ट शेअर करत लोकांना याची आठवण करून दिली आहे. 3 वर्षांपूर्वी या दिवशी म्हणजेच 16 एप्रिल 2020 रोजी रामायणाचा तो भाग प्रसारित झाला होता ज्यामध्ये लक्ष्मण आणि मेघनादचे युद्ध दाखवले होते. या एपिसोडला प्रेक्षकांचा चांगला प्रतिसाद मिळाला. त्यानंतर 77.7 दशलक्ष व्ह्यूअरशिप मिळाले. म्हणजेच तेव्हा 7.7 कोटी लोकांनी हा भाग पहिला. हा एक जागतिक विक्रम होता ठरला.
प्रेक्षकांचे आभार मानताना, रामायणात लक्ष्मणाची भूमिका करणाऱ्या सुनील लाहिरी यांनी त्यांच्या इन्स्टाग्राम पोस्टमध्ये लिहिले आहे, या दिवशी 16 एप्रिल 2020 रोजी, रामायणातील लक्ष्मण-मेघनाथ युद्ध प्रकरणाने एक जागतिक विक्रम रचला. जो एक ऐतिहासिक मैलाचा दगड ठरला. 77.7 दशलक्ष दर्शकसंख्येबद्दल सर्वांचे आभार, हे सर्व तुमच्यामुळे शक्य झाले आहे. यासोबतच त्यांनी लक्ष्मण आणि मेघनाद यांच्यातील युद्धाच्या सीनची झलकही शेअर केली आहे.
या मालिकेत सुनील लाहिरी यांनी लक्ष्मणची भूमिका साकारली होती. तर विजय अरोरा मेघनाथची भूमिका साकारत होते. मालिकेतील सर्व कलाकार त्यांनी साकारलेल्या पात्रांसाठी कायमचे अजरामर झाले. काही लोक आजही अरुण गोविल यांना भगवान राम मानतात आणि त्यांना पुन्हा एकदा त्याच रूपात येण्याचे आवाहन करतात.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
