Deepika-Ranveer Wedding Anniversary: रणवीर सिंग आणि दीपिका पदुकोण या बॉलिवूडमधील जोडीवर चाहत्यांचे खूप प्रेम आहे. ज्यांची केमिस्ट्री लोकांना खऱ्या आयुष्यात तसेच रील लाइफमध्येही पाहायला आवडते. बॉलिवूडमधील दीपिका आणि रणवीर यांच्या जोडीने काल त्यांच्या लग्नाचा चौथा वाढदिवस साजरा केला आहे. दोघेही नेहमीच लाइमलाइटचा भाग असतात. सगळ्यांना माहित आहे की रणवीर पत्नी दीपिकाला खूश करण्याची आणि तिला स्पेशल वाटावे अशी संधी कधीही सोडत नाही. मग तो त्यांच्या लग्नाच्या वाढदिवसाची संधी कशी सोडेल?
रणवीर सिंगने त्याच्या इंस्टाग्रामवर एक स्टोरी शेअर केली आहे. या स्टोरीमध्ये त्याने दीपिकाच्या ऑफिसमध्ये जाऊन तिला सरप्राईज दिले आहे. दीपिकाला आश्चर्यचकित करून रणवीरने पुन्हा एकदा कपल गोल्स सेट केले आहेत. लग्नाच्या वाढदिवशीही आपल्या प्रोफेशनल कमिटमेंटमुळे व्यस्त असलेल्या दीपिकाला यापेक्षा चांगले सरप्राईज मिळू शकले नसते. (Social Media)
रणवीर सिंगने दीपिकाच्या ऑफिसमध्ये जाऊन तिला फुलं आणि चॉकलेट देऊन एक खास सरप्राईज दिलं. तर अचानक पती रणवीरला समोर पाहिल्यानंतर नक्कीच दीपिकालाही आनंद झाला. इंस्टा स्टोरीमध्ये रणवीरने सरप्राईज व्हिजिटचा फोटो पोस्ट केला आहे. फोटोसोबत कॅप्शनमध्ये रणवीरने लिहिले की, "जेव्हा तिला लग्नाच्या वाढदिवशी सुद्धा काम असते, तेव्हा तुम्ही तिला तिच्या ऑफिसमध्ये जाऊन सरप्राईज करता." फुले आणि चॉकलेटला कमी लेखू नका. अशावेळी डायमंडची गरज नसते, लिहून ठेवा आणि माझे नंतर आभार माना. (Actors)
बॉलिवूडचे पॉवर कपल रणवीर आणि दीपिका यांनी 14 नोव्हेंबर 2018 रोजी इटलीतील लेक कोमो येथे लग्न केले होते. या दोघांचे लग्न दक्षिण भारतीय पारंपरिक पद्धतीने पार पडले होते, ज्यामध्ये फक्त त्यांचे कुटुंब आणि जवळचे लोक सहभागी होते. लग्नाआधी दोघांनी जवळपास 6 वर्षे एकमेकांना डेट केले, त्यानंतर त्यांनी लग्न करण्याचा निर्णय घेतला. दोघेही सोशल मीडियावर एकमेकांवर प्रेमाचा वर्षाव करण्याची एकही संधी सोडत नाहीत. (Bollywood)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.