VIDEO: 'डंकी'च्या सेटवरचा किंग खानचा व्हिडिओ झाला लीक; काय तो लूक, सगळंच 'जबरा' वाटतंय

बॉलिवूडचा किंग खान म्हणजेच शाहरुख खान सध्या त्याचा आगामी चित्रपट 'डंकी'च्या शूटिंगमध्ये व्यग्र आहे. त्याच्या चित्रपटाचे शूटिंग लंडनमध्ये सुरू असल्याचे सांगण्यात येत आहे
Shah Rukh Khan is currently busy shooting for his upcoming film Dunki
Shah Rukh Khan is currently busy shooting for his upcoming film DunkiSaam Tv

मुंबई: बॉलिवूडचा किंग खान म्हणजेच शाहरुख खान(Shahrukh Khan) सध्या त्याचा आगामी चित्रपट 'डंकी' (Dunki)च्या शूटिंगमध्ये व्यग्र आहे. त्याच्या चित्रपटाचे शूटिंग लंडनमध्ये सुरू असल्याचे सांगण्यात येत आहे. शाहरुख हा अभिनेत्री तापसी पन्नूसोबत(Taapsee Pannu) चित्रपटाचं शूटिंग करत आहे. याच चित्रपटाच्या सेटवरून एक व्हिडिओ लीक झाला आहे. किंग खान लांब केसातील लूकमध्ये दिसतोय. तो रस्त्यावरून कारकडे धावताना दिसत आहे. हा व्हिडिओ सोशल मीडियावर व्हायरल होत आहे.

Shah Rukh Khan is currently busy shooting for his upcoming film Dunki
Good Bye Release Date : अमिताभ बच्चन 'ब्रह्मास्त्र'नंतर करणार 'गुडबाय';श्रीवल्लीसोबत...

शाहरुख खानचा हा व्हिडिओ सोशल मीडियावर खूप शेअर केला जात आहे. व्हिडिओतील त्याचा लूक पाहून त्याचे चाहते कमालीचे एक्साइट झाले आहेत. व्हिडिओमध्ये तो जीन्स आणि लाल रंगाच्या शर्टमध्ये दिसत आहे. यासोबतच तो रस्त्यावरून आपल्या कारकडे धावताना दिसत आहे. व्हिडिओमध्ये तो त्याच्या चित्रपटाच्या क्रूने वेढलेला दिसत आहे. मोठी छत्री धरलेला एक माणूस त्याच्या मागे धावतोय. पण अभिनेत्री तापसी पन्नू आणि दिग्दर्शक राजकुमार हिरानी या व्हिडिओमध्ये कुठेही दिसत नाहीत.

Shah Rukh Khan is currently busy shooting for his upcoming film Dunki
Brahmastra : 'ब्रह्मास्त्र'मधील 'केसरिया' घालतोय धुमाकूळ, प्रीतमदा रणबीर-आलियाबद्दल बरंच काही बोलले

सोशल मीडियावरील व्हिडिओबाबत असा दावा केला जात आहे की, किंग खान लंडनच्या रस्त्यावर शूटिंग संपवून आपल्या कारकडे जात आहे. त्याचा सीन संपल्यानंतर हा व्हिडिओ लपून बनवण्यात आला होता. याआधी चित्रपटाच्या सेटवरून शाहरुख खानचा आणखी एक व्हिडिओ आऊट झाला होता. ज्यामध्ये तो चेक शर्टमध्ये आहे आणि पुढील सीन कधी असणार याची वाट बघत होता.

शाहरुख खान त्याची सह-अभिनेत्री तापसी पन्नू आणि दिग्दर्शक राजकुमार हिरानीसोबत लंडन आणि युरोपमध्ये 'डंकी' या चित्रपटाचे शूटिंग करत आहे. माहितीनुसार, लंडनमध्ये काही दिवस शूटिंग केल्यानंतर तो पुन्हा युरोपला रवाना होणार आहे आणि त्यानंतर तो भारतात परतणार आहे. परदेशात शूटिंग केल्यानंतर तो उत्तर भारतात शूट करणार असल्याचेही सांगण्यात आले होते. तो पंजाबच्या बाहेरील भागात मोटरसायकलवरून एका पंजाबी गाण्याचे शूटिंग करणार आहे. एकूणच या चित्रपटातील एक खास पंजाबी गाणे प्रेक्षकांना पाहायला मिळणार आहे.

किंग खानच्या 'डंकी' या चित्रपटानंतर तो 'पठाण' आणि 'जवान' या चित्रपटांमध्ये दिसणार आहे. शाहरुख खान बॅक टू बॅक चित्रपटांचे शूटिंग करत आहे. 'डंकी' हा चित्रपट राजकुमार हिरानी दिग्दर्शित करत आहेत. माहितीनुसार, चित्रपटाची कथा एका पंजाबी मुलाची आहे, जो अचानक कॅनडाला पोहोचतो. हा चित्रपट बॉर्डर इमिग्रेशनच्या मुद्द्यावर आधारित असल्याचेही सांगितले जात आहे. २२ डिसेंबर २०२३ रोजी 'डंकी' हा चित्रपट रीलीज होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com