Akash Shloka Ambani Blessed Baby Girl: अंबानी कुटुंबियांच्या घरात आज मोठं उत्सवाचं वातावरण आहे. त्याच कारण ही तसंच आहे. प्रसिद्ध उद्योगपती मुकेश अंबानी पुन्हा एकदा आजोबा झाले आहेत. आकाश अंबानी (Akash Ambani) आणि त्यांची पत्नी श्लोका मेहता दुसऱ्यांदा आई-वडील झाले आहेत. श्लोकाने एका गोंडस मुलीला जन्म दिला आहे.
दुसऱ्यांदा आई झाली श्लोका मेहता
आकाश अंबानीची पत्नी श्लोका हिने आज म्हणजेच 31 मे रोजी एका मुलीला जन्म दिला. सेलिब्रिटी फोटोग्राफर योगेन शाहने आपल्या इन्स्टाग्रामवर ही माहिती शेअर केली आहे. मात्र आतापर्यंत अंबानी कुटुंबियांकडून याबाबत कोणतीही माहिती जाहीर करण्यात आली नाही. (Latest Marathi News)
2020 मध्ये मुलगा पृथ्वीला दिला होता जन्म
वर्ष 2020 मध्ये आकाश आणि श्लोका पहिल्यांदा आई-वडील झाले. 2020 मध्ये 10 डिसेंबर रोजी मुकेश अंबानींच्या घरी पृथ्वीचा जन्म झाला. नातवाच्या जन्मानंतर लगेचच मुकेश अंबानी यांनी एक फोटो शेअर केला. ज्यामध्ये ते त्यांच्या नातवाला खुशीत घेऊन बसलेले दिसत होते.
यावेळीही असाच फोटो शेअर केला जाऊ शकतो, असं बोललं जात आहे. अंबानी कुटुंब लवकरच त्याची माहिती सोशल मीडियावर शेअर करू शकते. (Mukesh Ambani Latest News)
आकाश आणि श्लोका 4 वर्षांपूर्वी लग्नबंधनात अडकले
दरम्यान, 9 मार्च 2019 रोजी आकाश आणि श्लोका मेहता यांचे लग्न थाटात पार पडले. आकाश अंबानी आणि श्लोका मेहता यांच्या लग्नाला बॉलिवूडपासून देशातील आणि जगातील सेलिब्रिटींनी हजेरी लावली होती.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.