Mi Vasantrao Marathi Movie: द अकॅडमी ऑफ मोशन पिक्चर आर्ट्स अँड सायन्सेस यांनी नुकतीच ९५ व्या ऑस्करसाठीची जगभरातील ३०१ चित्रपटांची रिमांइंडर लिस्ट जाहीर करण्यात आली आहे. यामध्ये अनेक बॉलिवूडसह दाक्षिणात्य चित्रपटांनी यामध्ये आपले नाव पटकावले आहे. या यादीत २०२२ मध्ये प्रदर्शित झालेल्या अनेक चित्रपटांचा समावेश आहे.
ऑस्कर २०२३ च्या यादीत द काश्मीर फाईल्स, आर.आर.आर, कांतारा, गंगूबाई काठियावाडी आणि रॉकेट्री - द नंबी इफेक्ट हा चित्रपटासोबतच राहुल देशपांडे अभिनित 'मी वसंतराव' चित्रपटाचाही समावेश झाला आहे.
ऑस्कर चित्रपटासाठी यावर्षी राहुल देशपांडे यांची मुख्य भूमिका असलेला आणि निपुण धर्माधिकारी दिग्दर्शित ‘मी वसंतराव’ चित्रपटाची दखल घेण्यात आली आहे. पहिल्यांदाच गायक राहूल देशपांडे यांनी या चित्रपटात मुख्य भूमिका साकारली आहे. या चित्रपटाने आता पर्यंत अनेक पुरस्कारांमध्ये आपले नाव कोरले आहेत. 'मी वसंतराव' चित्रपटाची ऑस्करमध्येही एन्ट्री झाल्याने मला आनंद झाल्याची प्रतिक्रिया राष्ट्रीय पुरस्कार विजेते राहुल देशपांडे यांनी प्रतिक्रिया दिली आहे.
चित्रपट ऑस्करच्या शर्यतीत आल्यानंतर गायक राहुल देशपांडे म्हणतात, "यानिमित्ताने आम्ही केलेल्या कामाची दखल जागतिक पातळीवर घेतली जात आहे, ही अभिमानाची बाब आहे. शिवाय मराठी चित्रपट व संगीत सृष्टीसाठी देखील हे महत्त्वाचे आहे असे मी मानतो. ‘मी वसंतराव’ हा चित्रपट एक वेगळाच प्रयोग होता."
सोबतच गायक राहुल देशपांडे पुढे म्हणतात, "यामध्ये माझे आजोबा डॉ. वसंतराव देशपांडे यांचीच कथा मी त्यांचा नातू एक नट म्हणून रसिकांसमोर घेऊन आलो आहे. इतकेच नव्हे तर त्यातील गाणी आणि संगीत दिग्दर्शन हे देखील मी स्वत:च केले असल्याने हा चित्रपट अनेकार्थाने माझ्यासाठी महत्त्वाचा आहे. आजच्या या नामांकनाने मला खूप आनंद झाला आहे."
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.