Supriya Sule: सुप्रिया सुळेंना 'या' वेबसीरिजची पडली भुरळ, पंकज त्रिपाठींसोबत साधला थेट संवाद...

Supriya Sule: आपल्या धकाधकीच्या आयुष्यात काही विरंगुळ्याचे क्षण मिळावे यासाठी राजकारणी प्रयत्न करत असतात. पण असे काहीच राजकारणी आहेत, ते आपली आवड नेहमी जोपासण्याचा प्रयत्न करतात. नुकतचे राष्ट्रवादीच्या खासदार सुप्रिया सुळे (Supriya Sule) यांनी आपल्या आवडत्या वेबसीरिजबद्दल सांगितले आहे. एका मुलाखतीत त्यांनी ही माहिती दिली आहे.

एका मुलाखतीत, सुप्रिया सुळे म्हणतात, मिर्झापूर (Mirzapur Web Series) ही वेबसीरिज माझी आवडती वेबसीरिज आहे. मी ही सिरीज पाहिल्यानंतर कालिन भैय्या पंकज त्रिपाठींना (Pankaj Tripathi) फोन केला. मला अनुप्रिया पटेलनं त्यांचा नंबर दिला. मी त्यांची फॅन असल्याचं सांगितलं.

कालिन भैय्याचं पात्र मला खूप आवडलं असल्याचं मी त्यांना सांगितलं. मला पंकज त्रिपाठी म्हणतात, मी बारामती, सातारा, फलटण या भागात फिरलो आहे. मी बराच वेळ त्यांच्या सोबत बोलले. 'अमर अकबर अॅंथोनी' हा चित्रपटही त्यांच्या आवडीचा असल्याचे सुप्रिया सुळेंनी सांगितले.

सोबतच पुढे सुप्रिया सुळे म्हणतात, मी अँटी तंबाखू आहे. मला ड्रग्जचा प्रचंड राग येतो, ड्रग्ज आणि तंबाखू दोन्ही गोष्टी तेवढ्याच खतरनाक आहेत, असं त्यांनी सांगितलं. या मुलाखतीत त्यांनी आईपण, पवार कुटुंब तसेच सदानंद सुळे यांच्या व्यवसायाबद्दल देखील माहिती दिली.