Sadhvi Prachi: बॉलिवूड अभिनेत्री स्वरा भास्कर नेहमीच सोशल मीडियावर आपल्या वादग्रस्त विधानांनी चर्चेत असते. नेहमीच वादाच्या भोवऱ्यात अडकणाऱ्या स्वराची सध्या एका वेगळ्याच कारणामुळे चर्चा सुरु झाली आहे. तिने गेल्या महिन्यात सोशल मीडियावर समाजवादी पार्टीचे नेते फहाद अहमदशी लग्न केल्याची माहिती दिली आणि सर्वांनाच आश्चर्याचा धक्का बसला.
नुकतंच स्वराने दिल्लीत हळद-मेहेंदी, कव्वाली नाईट आणि रिसेप्शन सोहळ्याचं आयोजनही केलं. तेव्हापासून तिला सातत्याने ट्रोल केलं जात आहे. अशातच विश्व हिंदू परिषदेच्या नेत्या साध्वी प्राची यांनी पुन्हा एकदा स्वरावर निशाणा साधला.
नुकतेच स्वराने तिच्या सोशल मीडिया अकाऊंटवर चाहत्यांसोबत काही फोटो शेअर केले आहेत. शेअर केलेले फोटो कव्वाली नाइटमधील आहे. या फोटोमध्ये स्वरा आणि फहादने गडद हिरव्या रंगाचे ट्रॅडिशनल कपडे परिधान केले होते. स्वराने हा फोटो शेअर करत ‘हॅलो शौहर’ असं कॅप्शन देत चाहत्यांसोबत फोटो शेअर केला.
स्वराचं हेच ट्वीट रिट्वीट करत साध्वी प्राची यांनी ‘काही अंदाज? फ्रीज की सुटकेस’ असं ट्वीट केलं. पण साध्वी प्राची यांचं हे ट्वीट प्रेक्षकांना फारसं आवडलेलं नाही. त्यांच्या या ट्वीटच्या माध्यमातून युजर्सनी साध्वी प्राची यांच्यावर संताप व्यक्त करत त्यांना ट्रोल केले. त्यांची ही पोस्ट पाहून नेटकऱ्यांनी साध्वी प्राची यांना जबरदस्त ट्रोल केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
