Taarak Mehta Ka Ooltah Chashmah: गेले १४ वर्ष 'तारक मेहता का उल्टा चश्मा' या मालिकेने प्रेक्षकांचे निखळ मनोरंजन केले आहे. गेल्या अनेक दिवसांपासून मालिका भारी चर्चेत आहे. बऱ्याच कलाकारांनी मालिकेतून काढता पाय घेतला आहे. त्यांच्या जागी सध्या बरेच नवे चेहरे प्रेक्षकांना दिसत आहेत. प्रेक्षकांचे निखळ मनोरंजन करण्यासाठी ही मालिका कोणताच चान्स सोडत नाही. प्रेक्षकांना या मालिकेतील प्रत्येक कलाकाराची माहिती जाणून घेण्यासाठी फारच इच्छा आहे.
यावेळी मालिकेतील चर्चा इतर कोणत्याही कलाकाराची होत नसून चंपक चाचा म्हणजेच अमित भट्ट याची चर्चा होत आहे. चंपक चाचाला सेटवरच दुखापत झाल्याचे वृत्त आहे. मालिकेतील बऱ्याच कलाकारांची चर्चा सोशल मीडियावर होत असते. दिशा वकानी (दया बेन) पासून ते शैलेश लोढा (तारक मेहता) पर्यंत हे कलाकार मालिकेतून बाहेर पडले आहेत. त्यांच्या जाण्याने मालिकेला चांगलाच फटका बसला हे नक्की.
चंपक चाचा जखमी झाल्याची सोशल मीडियावर बरीच चर्चा होत आहे. यावेळी चंपक चाचाने कार्यक्रम सोडला नसून त्याला डॉक्टरांनी काही दिवस आराम करण्याचा सल्ला दिला आहे. एका इंग्रजी संकेतस्थळाने दिलेल्या माहितीप्रमाणे, शूटिंग सेटवरच चंपक चाचाला दुखापत झाल्याचे कळत आहे. सध्या तरी डॉक्टरांनी चंपक चाचाला विश्रांतीचा सल्ला दिला आहे. याच कारणामुळे सध्या चंपक चाचा मालिकेत दिसत नाही.
ही दुखापत चंपक चाचाला एका शुटिंग दरम्यान झालेली आहे, 'तारक मेहता का उल्टा चश्मा'चा एक सीन शूट होत होता, ज्यासाठी चंपक चाचाला पळून जावं लागलं होतं. यादरम्यान त्याचा तोल गेला आणि तो खाली पडला आणि त्याला खूप दुखापत झाली.
आता त्यांना डॉक्टरांनी विश्रांतीचा सल्ला दिला आहे. चंपक चाचाची प्रकृती पाहून निर्मात्यांनी त्यांना विश्रांती घेण्यास सांगितले आहे. शोमधील सर्वात वयस्कर व्यक्तिरेखा साकारणाऱ्या चंपक चाचाने बरे झाल्यानंतरच सेटवर परतावे, अशी मालिकेतील सदस्यांची इच्छा आहे.
'तारक मेहता का उल्टा चश्मा' अनेक दिवसांपासून प्रेक्षकांचे मनोरंजन करत आहे. अलीकडेच या शोला 14 वर्षे पूर्ण झाली आहेत. संपूर्ण टीमने केक कापून हा आनंद साजरा केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
