मुंबई: तनुश्री दत्तानं पुन्हा एकदा सोशल मीडियावर पोस्ट शेअर केली आहे. तिने लांबलचक पोस्ट शेअर करून आपल्या मनातलं सर्व काही सांगून टाकलं. मला काहीही झालं तर त्यासाठी केवळ नाना पाटेकर आणि बॉलिवूड माफिया हेच जबाबदार असतील, असं तनुश्रीनं पोस्टमध्ये म्हटलं आहे. (Tanushree Dutta-Nana Patekar Latest News)
बॉलिवूडमध्ये (Bollywood) खळबळ उडवून देणारी पोस्ट तनुश्री दत्ताने सोशल मीडियावर शेअर केली आहे. तिने इन्स्टाग्राम अकाउंटवरून एक लाबलचक पोस्ट शेअर केली आहे. यामध्ये तिनं आपल्या मनातील दुःख सांगितलं आहे.
'आशिक बनाया आपने' या चित्रपटातील अभिनेत्री तनुश्री दत्ता (Tanushree Dutta) हिने आज सकाळी पोस्ट शेअर करून नाना पाटेकर (Nana Patekar) आणि बॉलिवूड माफियांवर आरोप केले आहेत. तसेच इंडस्ट्रीतील काही कलाकार आणि पत्रकारांवरही चुकीच्या बातम्या चालवल्या जात असल्याचा आरोप केला आहे.
अनेक जण आपल्याला टार्गेट करत आहेत. तसेच ते आपल्याला त्रास देत आहेत, असा आरोपही तनुश्रीने केला आहे. 'जर मला काहीही झाले तर, त्यासाठी नाना पाटेकर आणि बॉलिवूडमधील काही माफिया जबाबदार असतील,' असे तिने पोस्टमध्ये म्हटलं आहे.
'जर मला काहीही झालं तर, #metooमधील आरोपी नाना पाटेकर, त्यांचे वकील, सहकारी आणि बॉलिवूडमधील माफिया दोस्त जबाबदार आहेत. बॉलिवूड माफिया कोण आहेत? हे तेच लोक आहेत, ज्यांची नावे सुशांतसिंह राजपूत याच्या मृत्यूप्रकरणात वारंवार आली आहेत. (लक्ष द्या, सर्वांकडे एकच वकील आहे.) ', असे तिने आपल्या पोस्टमध्ये म्हटलं आहे.
'सर्वच त्यांच्या मागे लागा. त्यांचे आयुष्य नरक बनवा, कारण त्यांनी मला खूपच त्रास दिला आहे. कायदा आणि न्याय यामुळे मी अपयशी ठरले असेल तरी, या महान राष्ट्रातील लोकांवर माझा पूर्ण विश्वास आहे. जय हिंद! आणि अलविदा...पुन्हा भेटू!...असं तनुश्रीने पोस्टमध्ये म्हटलं आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.