Bollywood Upcoming Movie: अटल बिहारींच्या जीवनावर चित्रपट, 'हा' धडाडीचा कलाकार साकारणार पंतप्रधानांची भूमिका

Bollywood Upcoming Movie
Bollywood Upcoming MovieSaam Tv

मुंबई : बॉलिवूड अभिनेता पंकज त्रिपाठीने (Pankaj Tripathi)दमदार अभिनयाने हिंदी सिनेमासृष्टीत स्थान कायम ठेवले आहे. पंकजने मनोरंजन विश्वातील त्याच्या कारकिर्दीत वेगवेगळ्या भूमिकेने प्रेक्षकांची मने जिंकली आहेत. आता पुन्हा पंकज त्रिपाठी धमाकेदार चित्रपट (Movie)घेऊन येत आहे. देशाचे माजी पंतप्रधान स्व. अटल बिहारी वाजयेपी यांच्या आयुष्यावर आधारित हा चित्रपट आहे. ज्याचे नाव 'मैं रहूं या न रहूं ये देश रहना चाहिए-अटल' असे आहे.

Bollywood Upcoming Movie
'Drishyam 2' Movie Review : शेवटपर्यंत खिळवून ठेवणारा दृश्यम २, क्लायमॅक्स तर भन्नाटच!

'मैं रहूं या न रहूं ये देश रहना चाहिए-अटल' हे माजी पंतप्रधान अटलबिहारी वाजपेयी यांचे स्वप्न होते. हे स्वप्न वास्तवात आणण्याचा मानस दिग्दर्शक रवी जाधव यांनी घेतला आहे.'मैं रहूं या न रहूं ये देश रहना चाहिए-अटल' हा सिनेमा पेंग्विन रँडम हाऊस इंडियाच्या सर्वाधिक विकल्या गेलेल्या 'द अनटोल्ड वाजपेयी: पॉलिटिशियन अँड पॅराडॉक्स' या पुस्तकावर आधारित आहे. या चित्रपटात वाजपेयींचे वैयक्तिक आणि राजकीय जीवन दाखवण्यात येणार आहे

अटलजी हे भारतीय राजकारणातील अशा व्यक्तिमत्वापैंकी एक होते, ज्यांनी देशाच्या राजकारणावर मोठ्या प्रमाणात प्रभाव टाकला. इतकंच नाही, तर त्यांची बुद्धी आणि वकृत्व शैली त्यांच्या मित्रांनाच नव्हे, तर त्यांच्या राजकीय प्रतिस्पर्ध्यांनाही पटणारी होती.

महत्वाचे म्हणजे बॉलीवूड अभिनेता पंकज त्रिपाठी हा भारताच्या माजी पंतप्रधानांच्या बायोपिकमध्ये वाजपेयींची भूमिका साकारणार आहे. पंकजला वाजपेयींच्या व्यक्तिरेखेत पाहण्यासाठी चाहतेही उत्सुक आहेत. अलीकडेच निर्मात्यांनी याबाबतची अधिकृत घोषणा केली. हिंदी आणि इंग्रजी या दोन भाषांमध्ये हा चित्रपट प्रदर्शित होणार आहे.

Bollywood Upcoming Movie
TMKOC : 'तारक मेहता का उल्टा चश्मा' मालिकेतील कलाकाराला सेटवर दुखापत, डॉक्टरांनी दिला 'हा' सल्ला

पंकज त्रिपाठीच्या वर्कफ्रंटबद्दल बोलायचे, तर पंकजने आपल्या दमदार अभिनयाने चाहत्यांना प्रभावित केले आहे. गँग्स ऑफ वासेपूर, क्रिमिनल जस्टिस, मिर्झापूर यांसारख्या वेबसिरीजशिवाय मसान, कागज, मिमी यांसारख्या अनेक चित्रपटांत पंकजने प्रेक्षकांची मने जिंकली आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com