GoodLuck Jerry First Look : हातात बंदूक घेत जान्हवी कपूरचा अॅडव्हेंचर; 'गुडलक जेरी'चा फर्स्ट पोस्टर रिलीज

अभिनेत्री जान्हवी कपूर हिचा लवकरच 'गुड लक जेरी' हा चित्रपट प्रदर्शित होणार आहे. या चित्रपटातील तिचा फर्स्ट लुक आणि चित्रपट प्रदर्शित होण्याची तारीख जाहीर केली आहे.
GoodLuck Jerry First Look : हातात बंदूक घेत जान्हवी कपूरचा अॅडव्हेंचर; 'गुडलक जेरी'चा फर्स्ट पोस्टर रिलीज
Janhvi Kapoor's upcoming movieSaam Tv

मुंबई : बॉलिवूड मधील प्रसिद्ध अभिनेत्री (actress) आणि श्रीदेवीची मुलगी जान्हवी कपूर हिचा लवकरच 'गुड लक जेरी' हा चित्रपट प्रदर्शित होणार आहे. जान्हवी कपूरने तिच्या 'गुड लक जेरी'या चित्रपटाची (movie) घोषणा केल्यापासून चाहते चित्रपटाच्या फर्स्ट लूकची आणि प्रदर्शित होण्याच्या तारखेची वाट पाहत आहेत. जान्हवीने या चित्रपटातील तिचा फर्स्ट लुक आणि चित्रपट प्रदर्शित होण्याची तारीख जाहीर केली असून आज तिने ही आनंदाची बातमी चाहत्यांशी शेअर केली आहे. 'गुंजन सक्सेना'नंतर ही अभिनेत्री 'गुड लक जेरी'मध्ये दिसणार आहे आणि विशेष म्हणजे हा चित्रपट थेट ओटीटीवर प्रदर्शित होणार आहे. निर्मात्यांनी चित्रपटाचे दोन वेगवेगळे पोस्टर प्रदर्शित केले आहेत, ज्यामध्ये जान्हवीचा दमदार अवतार दिसत आहे. जान्हवी कपूरचा 'गुड लक जेरी' हा चित्रपट २९ जुलै २०२२ रोजी ओटीटी प्लॅटफॉर्म डिस्ने प्लस हॉटस्टारवर प्रदर्शित होणार आहे.

Janhvi Kapoor's upcoming movie
Takatak 2 : मराठीतील बोल्ड सिनेमा टकाटक २ 'या' दिवशी होणार रिलीज

जान्हवीने या चित्रपटाचे दोन पोस्टर सोशल मीडियावर शेअर केले आहेत. पहिल्या पोस्टरमध्ये जान्हवी घाबरून हातात बंदूक धरलेली दिसत आहे. तर दुसऱ्या पोस्टरमध्ये जान्हवी एका बॉक्सच्या मागे लपलेली आहे. बॉक्सच्या वर एका बाजूला लंच बॉक्समध्ये मॅगी ठेवली जाते आणि दुसऱ्या बाजूला मोमोज. दोन्ही पोस्टर खूपच कुतूहल निर्माण करणारे आहेत.

Janhvi Kapoor's upcoming movie
ए. आर. रहमान यांना आठवलं बालपण, हॉस्पिटलमध्ये घालवलेल्या 'त्या' क्षणांनी झाले भावूक

पोस्टर शेअर करताना जान्हवी कपूरने लिहिले की, 'मी निघाली आहे, नवीन साहसासाठी मला शुभेच्छा देणार नाही का? जसं की गुड लक २९ जुलैपासून डिस्ने प्लस हॉटस्टारवर प्रदर्शित होईल'. या चित्रपटाचे दिग्दर्शन सिद्धार्थ याने केले आहे, तर चित्रपटाची निर्मिती आनंद एल राय, सुबास्करन आणि महावीर जैन यांनी केली आहे.

कपाळावर टिकली लावलेल्या सध्या मुलीच्या हातात बंदूक बघून चाहते या चित्रपटाची गोष्ट जाणून घेण्यासाठी उत्साही आहेत. या चित्रपटाचे चित्रीकरण पंजाब आणि चंडीगढमध्ये झाले आहे. त्याचबरोबर जान्हवी कपूरचा राजकुमार राव सोबतचा तिचा आगामी चित्रपट 'मिस्टर एंड मिसेज माही' लवकरच प्रदर्शित होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com