Big Boss Season 4: बिग बॉसच्या घरात लवकरच होणार किलबीलाट, तारीख ठरली पण स्पर्धकांचे काय होणार?

मुंबई : मराठी सिनेसृष्टीतील सर्वात लोकप्रिय आणि सर्वाधिक टीआरपी असलेला शो म्हणजे 'बिग बॉस'(Bigg Boss). या शोची चाहते आतुरतेने वाट पाहत आहेत. बिग बॉस मराठीचे ३ सीझन प्रसारित झाले असून चौथ्या सीझनची घोषणा करण्यात आली आहे. महाराष्ट्रातील प्रत्येक घराघरात लोकप्रिय असलेल्या या शो ची प्रेक्षक आतुरतेने वाट पाहत आहे. अखेर प्रेक्षकांची प्रतिक्षा संपलेली असून निर्मात्यांनी 'बिग बॉस'च्या चौथ्या सीझनच्या तारखेची घोषणा केली आहे.

बिग बॉस मराठीचे पहिले तीन सीझन टेलिव्हिजनवर तुफान लोकप्रिय ठारले. त्याच पार्श्वभूमीवर चौथ्या सीझनची चाहुल लागुन राहिली होती. काही दिवसांपूर्वी महेश मांजरेकरांचा(Mahesh Manjrekar) टीझर प्रदर्शित करण्यात आला होता. आता या शोची तारीख देखील समोर आली आहे. 'बिग बॉस'चा चौथा सीझन येत्या २ ऑक्टोबरपासून सुरु होणार आहे. त्यामुळे प्रेक्षकांचा उत्साह चांगलाच शिगेला पोहोचला आहे.

शंभर दिवसात एकत्र राहून हे स्पर्धक एकमेकांची कधी काळजी घेतात तर कधी जीव घ्यायला ही पुढे मागे पाहत नाहीत. वेगवेगळे टास्क करणाऱ्या या स्पर्धकांमध्ये चढाओढ पाहायला मिळते. दरम्यान महेश मांजरेकर या शोच्या होस्टिंगची धुरा सांभाळत असून, या शो मध्ये कोणकोणते कलाकार स्पर्धक सहभागी होणार याची ओढ प्रेक्षकांना लागली आहे.