मुंबई: बॅालिवूड अभिनेता रणबीर कपूर(Ranbir Kapoor) आणि अभिनेत्री आलिया भट्ट(Alia Bhatt) बहुप्रतिक्षित 'ब्रह्मास्त्र' चित्रपटात एकत्र दिसणार आहेत. हा चित्रपट सप्टेंबरमध्ये पहिल्या आठवड्यात प्रदर्शित होणार आहे. आलिया-रणबीर जोडीला एकत्र बघण्यासाठी चाहते उत्सुक आहेत. अलीकडेच या चित्रपटातील केसरिया गाणं रीलीज झालं होतं. त्याला प्रेक्षकांनी भरभरून प्रेम दिलं.
लवकरच चित्रपटातील दुसरं गाणं रीलीज होणार आहे. केसरियामधल्या रणबीर आणि अलियाच्या रोमॅंटिक केमिस्ट्रीमुळे दुसऱ्या गाण्यात नेमके काय असेल, याबाबत चाहत्यांमध्ये प्रचंड उत्सुकता आहे. त्यात आता निर्मात्यांनी चित्रपटातील 'देवा देवा' या दुसऱ्या गाण्याचा टीझर रीलीज केला आहे. यातही आलिया-रणबीरचा रोमान्स दाखवण्यात आला आहे.
बहुप्रतीक्षित 'ब्रह्मास्त्र' चित्रपटातील 'देवा देवा' गाण्याचा टीझर रीलीज झाला आहे. गाण्याच्या टीझरमध्ये रणबीर आलिया भट्टला दिव्यशक्तीबद्दल समजून सांगताना दिसतो आहे. टीझरमध्ये रणबीर कपूरसोबत अमिताभ बच्चनही दिसत आहेत. प्रसिद्ध गायक अरिजीत सिंगने हे गाणे गायलं आहे. जे रीलीज होताच प्रेक्षकांच्या पंसतीस उतरले आहे. गाण्याला ५ लाखांहून अधिक व्ह्यूज मिळाले आहेत. येत्या ८ ऑगस्टला हे गाणं प्रदर्शित होईल.
याआधी 'ब्रह्मास्त्र' चित्रपटात अरिजीत सिंगने गायलेले 'केसरिया' हे गाणे प्रेक्षकांना प्रंचड आवडले होते. गाण्याने सोशल मीडियावर अक्षरशः धुमाकूळ घातला होता. गाण्यात वाराणसीच्या रस्त्यावरील रणबीर आणि आलियाच्या रोमॅंटिक केमिस्ट्रीनं चाहत्याचं लक्ष वेधून घेतलं.
ब्रह्मास्त्र चित्रपटाचे दिग्दर्शक अयान मुखर्जी आहेत. ब्रह्मास्त्र हिदींसोबतच कन्नड, तेलुगू, तमिळ आणि मल्याळम भाषेत प्रदर्शित होणार आहे. चित्रपट हा तीन भागांत आहे. चित्रपटाचा पहिला भाग पुढील महिन्यात ९ सप्टेंबर रोजी चित्रपटगृहात प्रदर्शित होणार आहे. मात्र, चित्रपटाच्या उर्वरित दोन भागांबाबत अद्याप कोणतीही माहिती समोर आलेली नाही. चित्रपटात रणबीर कपूर, आलिया भट्ट, अमिताभ बच्चन, नागर्जुन अक्किनेनी, मौनी रॉय यांच्यासह अनेक कलाकार मुख्य भूमिकेत आहेत.
रणबीर कपूरने नुकतेच शमशेरा या चित्रपटाद्वारे बॉलिवूडमध्ये पुनरागमन केले. मात्र, बॉक्स ऑफिसवर चित्रपट फारशी कमाल दाखवू शकला नाही. त्याला आता या चित्रपटाकडून खूप आशा आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.