Urfi Javed Fan: उर्फीचं मार्केट होणार डाऊन?; टक्कर द्यायला आलाय 'हा' तरुण, अतरंगी फोटो पाहून डोकं चक्रावेल

Urfi Javed : सोशल मीडियावर नेहमीच अनेक अतरंगी गोष्टी व्हायरल होताना दिसतात. उर्फी जावेद या अभिनेत्रीचं नाव ऐकताच अनेकांच्या दिलाची धडकन वाढू लागते, तर काहींच्या तळपायाची आग मस्तकात जाते. उर्फीला तिच्या फॅशनमुळे आजवर अनेकदा ट्रोल करण्यात आलं आहे. मात्र तसे असले तरी उर्फी मात्र मागे हटलेली नाही. (Latest Viral Video)

ती अजूनही सर्वांना चोख उत्तर देते. अशात उर्फी सारखी फॅशन एखाद्या माणसाने किंवा मुलाने केली तर. सध्या सोशल मीडियावर उर्फीपेक्षाही भन्नाट कल्पना वापरून फॅशन करणाऱ्या एका तरुणाची जोरदार चर्चा सुरू आहे. या तरुणाने केलेली फॅशन पाहून तुमचं डोकं देखील चक्रावेल. कारण या तरुणाने शॅम्पूच्या पाकिटांपासून थेट लवंगी मिर्चपर्यंत भन्नाट फॅशन केली आहे.

टीक टॉकर थरुन असं या तरुणाच्या इन्स्टाग्राम अकाऊंटच नाव आहे. यावर त्याने उर्फी सारखी फॅशन करत फोटो आणि व्हिडिओ पोस्ट केलेत. यात कधी तो चिकटपट्टीमध्ये दिसत आहे. तर कधी बांगड्या लावून अंग झाकत आहे. तसेच कधी त्याने गवत आणि खराट्यापासून अंग झाकलं आहे. सध्या त्याचे ३ लाख ६० हजार फॉलोवर्स आहेत.

त्याची ही अनोखी फॅशन पाहून नेटकरी चक्रावले आहेत. त्याच्या फोटोंवर कमेंट करत कोणी त्याला उर्फीचा भाऊ म्हणत आहेत, तर कोणी त्याच्यावर हसत आहे. काही युजर्सने त्याच्या क्रियेटीव्ह आयडीयाचं कौतुक देखील केलं आहे.