Urfi Javed: उर्फीची 'खतरों के खिलाडी १३'मधून एक्झिट, लवकरच चाहत्यांना देणार नवी 'गुड न्यूज'

Urfi Javed Exit Khatron Ke Khiladi 13: सोशल मीडिया सेन्सेशन उर्फी जावेद तिच्या बोल्ड आणि हटक्या फॅशन सेन्समुळे नेहमीच चर्चेत राहते. मात्र, उर्फी तिच्या विचित्र ड्रेसिंग स्टाइलमुळे नेहमीच ट्रोल होत असते. अलीकडेच, उर्फी 'खतरों के खिलाडी १३'च्या आगामी भागात येणार असल्याची चर्चा गेल्या अनेक दिवसांपासून होत आहे. मात्र, आता उर्फी रिॲलिटी शोच्या आगामी सीझनचा भाग नसल्याचे बोलले जात आहे.

एका इंग्रजी संकेतस्थळाने दिलेल्या माहितीनुसार, अभिनेत्रीच्या जवळच्या सूत्रांनी सांगितले की, उर्फी 'खतरों के खिलाडी १३' च्या टीमसोबत बऱ्याच दिवसांपासून चर्चा करत होती आणि ती तयार असल्याच्या अनेकदा बातम्या व्हायरल झाल्या होत्या. तिला या शोमध्ये सहभागी व्हायचे होते, पण ती या शोमध्ये काही कारणास्तव सहभागी होत नाही.

ती एका मोठ्या प्रोजेक्टसाठी निर्मात्यांसोबत बोलणी करत होती आणि ती खतरों के खिलाडीची ऑफर स्वीकारण्यापूर्वीच दुसऱ्या प्रोजेक्टसाठी फायनल झाली होती, त्यामुळे तिला शो सोडावा लागला आहे. जरी अभिनेत्री तिच्या मोठ्या प्रोजेक्टबद्दल खूप उत्साहित असली तरी, उर्फी ही बातमी लवकरच तिच्या चाहत्यांशी शेअर करणार आहे.

उर्फी सध्या तिच्या बिनधास्त कामगिरीमुळे बरीच चर्चेत आली आहे. ती अलीकडेच एका साऊथ मॅगझिनच्या डिजिटल कव्हरवर डिझायनर कपड्यांमध्ये दिसली होती. ती प्रसिद्ध डिझायनर जोडी अबू जानी आणि संदीप खोसला यांच्या नवीन कलेक्शनची मॉडेल देखील बनली. उर्फी शेवटची स्प्लिट्सविला X4 मध्ये मिशिफ मेकर म्हणून दिसली होती.