VIDEO | नशेसाठी होतोय चक्क कफ सिरपचा वापर

VIDEO | नशेसाठी होतोय चक्क कफ सिरपचा वापर

सध्या थंड़ीचे दिवस सुरू आहेत. या दिवसात सर्दी-खोकल्याचा त्रास जास्त जाणवतो. अशावेळी अनेकजण कफ सिरप घेतात. पण मुंबईसह अनेक मोठ्या शहरांमध्ये याच कफ सिरपचा वापर नशेसाठी केला जातोय. मोठ्या प्रमाणात तरूणाई कफ सिरपच्या आहारी जातीय. ड्रग्जला आळा घालण्यासाठी सध्या ऑपरेशन कमळी ही मोहिम हाती घेण्यात आलीय. त्यामुळे ड्रग्ज सहजासहजी मिळणं मुश्कील झालंय, परिणामी कफ सीरपचा वापर वाढलाय.. 


कफ सीरप हे औषध म्हणून घेतल्यास त्याचं प्रमाण ठरावीक असतं. पण नशेसाठी दोनशे मिलीची बाटली तरुण पितात. हे सीरप तत्काळ परिणाम दाखवतं. ड्रग्जप्रमाणे उत्तेजित करते आणि नंतर शरीर सुस्त करतं. सीरप अधिक प्रमाणात घेतल्यास ही धुंदी झोप आणते. 

कफ सीरपच्या बेकायदा विक्रीप्रकरणी ठोस कारवाईची गरज आहे. असं असताना अन्न आणि औषध प्रशासनाकडून गेल्या वर्षभरात नगण्य कारवाई करण्यात आलीय. त्यामुळे कफ सिरपच्या नशेचं प्रमाण वाढलंय. 

कफ सीरपच का?

कफ सीरप केमिस्टमध्ये सहज मिळतं.

अनेक केमिस्ट प्रिस्क्रिप्शन विचारत नाहीत.

खोट्या प्रिस्क्रिप्शनची शहानिशा केली जात नाही.


 त्यामुळे पालकांनो तुम्ही तुमच्या मुलांवर लक्ष ठेवा.. कफ सिरपची नशा तुमच्या पाल्यासाठी घातक ठरू शकते. आपला मुलगा कफ सिरपच्या आहारी तर गेला नाही ना ? याची खातरजमा करा....

WebTittle:: The use of cuff syrup for addiction

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com