'येवले चहा'वर एफडीएची कारवाई

पुणे: येवले चहा प्यायल्याने पित्त होत नाही, चहासाठी मिनरल वॉटर वापरले जात असल्याचा दावा भोवला असल्याची चर्चा आहे. कर्मचाऱ्यांची आरोग्य तपासणी, पँकबंद मालावर कोणती माहिती नसणे अशा विविध नियमांचे उल्लंघन 'येवले चहा'ने केले असल्याची बाब एफडीएच्या निदर्शनास आली. त्यामुळे पुढील आदेश येईपर्यंत उत्पादन केंद्र बंद ठेवण्याचा एफडीएने दिला आहे. तुर्तास शहरात असणारे विविध चहा केंद्र हे साठा असेपर्यंत सुरु राहणार असल्याची माहिती समजते. दरम्यान, एफडीएने जप्त केलेल्या पदार्थांचे नमुने तपासणीसाठी प्रयोगशाळेत पाठवले आहेत. प्रयोगशाळेच्या अहवालानंतर पुढील कार्यवाही करण्यात येणार असल्याची माहिती एफडीएच्या अधिकाऱ्यांनी दिली.
 
अल्पावधीतच लोकप्रिय झालेल्या येवले चहावर अन्न व औषध प्रशासनाने (एफडीए) कारवाई केली आहे. एफडीएने कोंढव्यातील येवले फूड प्रॉडक्ट येथे अचानक तपासणी केली. त्यावेळी चहा पावडर, साखर, चहा मसाला यांचे नमुने आणि सहा लाख रुपयांचा साठा संशयावरुन एफडीएने जप्त केला आहे.

Web Title: FDA take action against yewale chaha tea