लंडनला जाणाऱ्या प्रवाशांचा खोळंबा

ब्रिटीश एअरवेजकडून मुंबई-लंडनदरम्यान दररोज दोन उड्डाणे आहेत. याखेरीज आठवड्यातून तीन उड्डाणे स्वतंत्रपणे आहेत. अशाप्रकारे आठवड्याला एकूण १७ उड्डाणे कंपनीकडून या मार्गावर उडवली जातात. यासाठी बोइंग ७८७-९०० या २९० आसनी व बोइंग ७७७ या ३९६ आसनी विमानांचा वापर केला जातो. याद्वारे आठवड्यातून जवळपास ६ हजार प्रवासी मुंबईहून लंडनला जातात. पण संपामुळे त्यांचा खोळंबा होणार आहे.

'कंपनीने वैमानिक संघटनेशी सर्व स्तरावर चर्चेचा प्रयत्न केला. पण उपयोग झाला नाही. यामुळे आता वैमानिक संपावर जात असताना १०० टक्के सेवा ठप्प होईल', असे कंपनीच्या मुंबईतील व्यावसायिक संपर्क व्यवस्थापक राधिका राईकी यांनी स्पष्ट केले.

'इंडिगो', 'विस्तारा'ला हव्या जेटच्या वेळा

जेट एअरवेज बंद पडल्यानंतर त्यांच्या वेळा मिळण्यासाठी सर्वच विमानसेवा कंपन्या प्रयत्न करीत आहेत. याअंतर्गतच आता जेट एअरवेजच्या आंतरराष्ट्रीय वेळांसाठी इंडिगो एअरलाइन्स व एअर विस्तारा यांच्यात स्पर्धा सुरू झाली आहे. जेटच्या भारतातून लंडनसाठी २८ सेवा होत्या. त्यापैकी १४ वेळा एअर इंडियाला मिळाल्या आहेत. उर्वरित १४ साठी आता स्पर्धा आहे. एअर विस्तारा जानेवारी २०२० पासून जेटला मिळालेल्या वेळेत मुंबई-लंडन थेट सेवा सुरू करण्याच्या विचारात आहे. जेटच्या मुंबईहून लंडन, पॅरिस व दुबईसाठी आंतरराष्ट्रीय सेवा होत्या. त्यासाठी आता स्पर्धा आहे.

Web Title pilot strike prompts british airways to cancel nearly 100 percent of flights