Pomegranate Benefits for Health : हेल्दी सुपर फूडच्या यादीत डाळींचा समावेश होता. त्यामुळे डाळिंबचे सेवन केल्याने अनेक आजार दूर होतात. डाळिंबवर केलेल्या एका संशोधनानुसार असे आढळून आले की, डाळिंबमध्ये फायबर व्हिटॅमिन के, व्हिटॅमिन सी, आणि व्हिटॅमिन बी, लोह, झिंक, पोटॅशियम ओमेगा- 6 फॅटी अँसिड या पोषक तत्वांचा समावेश होतो.
त्यामुळे आपल्या आरोग्यासाठी (Health) आवश्यक पोषक तत्वांचे मुबलक प्रमाण डाळींबमध्ये असते. त्यासोबतच केसांसाठी आणि त्वचेसाठीदेखील डाळींब (Pomegranate) फायदेशीर समजले जाते. खास महिलांना डाळींब खाण्याचे अनेक फायदे होतात.
मासिक पाळीसंबधित समस्या, गर्भधारणा, बाळाला (Baby) निरोगी ठेण्यासाठी महिलांना डाळींब खाण्याचा सल्ला दिला जातो. त्यासोबतच महिलांना डाळींब खाण्याचे इतर फायदेही होतात. चला तर मग जाणून घेऊया त्याविषयी माहिती.
1 डाळींबने प्रजनन क्षमता वाढते
डाळींबचे सेवन केल्याने स्त्रियांमधील प्रजनन विकार बरे होण्यास मदत मिळते. डाळिंबावरील संशोधनानुसार, डाळींब असे फळ आहे जे ऑक्सिडेटिव्ह तणाव कमी करून प्रजनन क्षमता वाढविण्यास मदत करते. ऑक्सिडेटिव्ह तणावामुळे अंड्याचे नुकसान होऊ शकते. परिणामी प्रजनन क्षमता कमकुवत होते, असे आरोग्य तज्ज्ञांचा असा विश्वास आहे.
2 लैंगिक क्षमता सुधारते
लैंगिक क्षमता सुधारण्यासाठी डाळींब फायदेशीर आहे. वयाच्या चाळीशीनंतर लैंगिक क्षमता गमावण्याच्या समस्या महिलांमध्ये अधिक प्रमाणात दिसून येतात. त्यामुळे डाळिंब किंवा डाळिंबाचा ज्युसचा तुमच्या आहारात समावेश करून तुम्ही या समस्या दूर शकता. डाळींबमध्ये उपलब्ध असलेले गुणधर्म शरीरातील टेस्टोस्टेरॉनची पातळी वाढण्यास मदत करते. परिणामी लैंगिक क्षमताही सुधारण्यास मदत मिळते.
3 त्वचेसाठी फायदेशीर
डाळिंबमधील पोषक घटक त्वचेला (Skin) हायड्रेट ठेवण्याचे कार्य करतात. त्यामुळे त्वचेवरील खाज, डाग आणि कोरडेपणा दूर होते. तुम्ही डाळींबचे नियमित सेवन करून त्वचेसंबधित इतर समस्याही दूर करू शकता. त्यासोबतच त्वचा निरोगी राहते आणि दीर्घकाळ शाईन करते.
4 केस मजबूत करण्यासाठी
डाळींबचे सेवन करून तुम्ही दाट आणि मजबूत केस मिळवू शकता. NCBI च्या अहवालानुसार असे समोर आले की, आठवड्यातून 3 ते 4 वेळा डाळिंबाचे सेवन करून केस गळण्याच्या समस्या कमी होतात.
5 पचन सुधारते
आजकाल चुकीच्या खाण्यापिण्याच्या सवयींमुळे महिलांमध्ये पचनाच्या समस्या उद्भवतात. त्यामुळे डाळिंब सेवन करून तुम्ही या समस्या दूर करू शकता. नियमितपणे डाळिंबचे सेवन केल्याने बद्धकोष्ठतेपासून आराम मिळतो. त्यासोबतच पोटदुखीपासून आराम मिळवण्यासाठी डाळिंब खाणे हा एक उत्तम पर्याय असू शकतो.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
