Benefits Of Butter Milk : ताक हे आरोग्यासाठी अमृतच मानले जाते. त्याचा गुणधर्माबद्दल बोलायचे झाले तर कमीच आहे. ताक हे शरीरासाठी बहुगुणी असून रोगप्रतिकारशक्ती वाढवण्यास मदत करते.
ताकापासून वेगवेगळे पदार्थ देखील बनवले जातात. दह्यापासून बनवल्या जाणाऱ्या या पेयांचे शरीरास अधिक फायदे आहेत. ताक कार्बोहायड्रेट्सचा समृद्ध स्रोत आहे. यामध्ये अनेक प्रकारची जीवनसत्त्वे असतात. याव्यतिरिक्त, त्यात चांगले बॅक्टेरिया देखील भरपूर असतात. तसेच प्रथिने, पोटॅशियम, फॉस्फरस, लॅक्टिक ऍसिड आणि कॅल्शियम भरपूर प्रमाणात असते.
ताकाचा जितका शरीरासाठी फायदा होतो तितकाच त्वचा व केसांसाठी देखील होतो. दह्यापासून तयार केलेले हे पेय अनेक प्रकारे वापरले जाऊ शकते ज्यामुळे तुमचे केस आणि त्वचा निरोगी आणि सुंदर होईल. आणि यासाठी तुम्हाला ते पिण्याची गरज नाही, परंतु ते लावण्याची गरज आहे. जाणून घेऊया त्याचा वापर कसा करायला हवा.
१. चमकदार त्वचेसाठी
ताक असणारे गुणधर्म हे त्वचेसाठी अधिक फायदेशीर आहे. हे मॉइश्चरायझर म्हणून त्वचेला हायड्रेट ठेवते. त्वचेची गेलेली चमक पुन्हा आणायची असेल तर त्यासाठी आपण त्याचा फेस पॅक म्हणून वापर करु शकतो. बेसन आणि काकडीच्या रसात ताक मिसळून पेस्ट तयार करा. त्यात चिमूटभर हळद घाला. ही पेस्ट चेहऱ्यावर पंधरा मिनिटे ठेवा आणि नंतर चेहरा धुवा.
२. मुरुमांची समस्या
आपल्या चेहऱ्यावर सतत मुरुमे येतात ज्यामुळे तरुण वयातील मुली अधिकच त्रस्त असतात. ताकामध्ये दह्यासारखे प्रोबायोटिक गुणधर्म आहेत, ज्यामुळे त्वचेवरील बॅक्टेरियाची वाढ मर्यादित करण्यासोबत चांगले बॅक्टेरिया वाढवते. चेहऱ्यावर ताक लावल्याने बंद छिद्रे उघडतात. त्वचेच्या पेशींच्या वाढीचा वेगही वाढतो आणि त्वचा मुक्तपणे श्वास घेते, ज्यामुळे मुरुम कमी होतात.
३. वृध्दपणा
हे पेय अँटिऑक्सिडंट्सने भरलेले आहे, जे फ्री रॅडिकल्सची वाढ कमी करते. त्याचे मॉइश्चरायझिंग गुणधर्म कोरड्या त्वचेचे पुनरुज्जीवन करतात. ओटमीलसह ताक लावल्याने त्वचा घट्ट होण्यास मदत होते आणि वृद्धत्वाची लक्षणे कमी होतात. यामुळे चेहऱ्याला तरुणपणा येतो.
४. सनटॅन कमी करा
उन्हात गेल्यावर टॅनिंग होत असेल तर ते काढून टाकण्याची चिंता आता ताकावर सोडा. कोरफड सोबत ताक मिसळल्याने त्वचेवरील मृतपेशी काढून टाकण्यास मदत करते आणि खोलवर पोषण करते. ताकातील लॅक्टिक अॅसिड आणि अल्फा हायड्रॉक्सी अॅसिड त्वचेला एक्सफोलिएट करतात. हे त्वचेच्या (Skin) मृत पेशी काढून टाकून त्वचा उजळ करते, त्यामुळे टॅनिंगचा प्रभाव नाहीसा होतो.
५. केसांची वाढ -
केसांच्या (Hair) वाढीसाठी ताक, बेसन आणि ऑलिव्ह ऑईल मिक्स करून मास्क तयार करा. या मास्कने टाळूला मसाज करा. काहीवेळा केसांना शॅम्पू लावून स्वच्छ धुवा. प्रथिने गुणधर्मांनी समृद्ध असलेले ताक केस आणि टाळूला हायड्रेट करते. हे सर्व मिळून केस मजबूत होतील आणि केस लवकर वाढतील.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.