Common Causes of Delay Periods : स्त्रियांच्या मासिक पाळीचा कालावधी हा दर २८ ते ३० दिवसांचा असतो. हे कालचक्र चुकले तर त्यांना अधिक चिंता वाटू लागते. प्रत्येक स्त्रीला दर महिन्याला ठराविक वेळी मासिक पाळी येते. मासिक पाळीची तारीख स्त्रीच्या मासिक पाळीवर अवलंबून असते. पण जेव्हा कधी मासिक पाळी चुकते किंवा वेळेवर येत नाही, तेव्हा स्त्रीच्या मनात पहिली गोष्ट येते ती म्हणजे गर्भधारणा. मात्र, स्त्री शारीरिकदृष्ट्या सक्रिय नसेल, तर तिच्या मनात इतर अनेक विचार घुमू लागतात. उदाहरणार्थ, PCOS किंवा PCOD मुळे मासिक पाळी येण्यास विलंब होऊ शकतो.
तसेच मासिक पाळीच्या विलंबाचे कारण नेमके काय असते हे कळत नाही, त्यात काही असे कारण देखील आहे ज्यामुळे मासिक पाळी उशिरा येते. जाणून घेऊया, त्याचे कारण काय आहे.
1. ताण घेणे
शरीरातील तणावाची पातळी वाढली की, संप्रेरकांच्या पातळीला त्रास देतात. त्यामुळे तणावामुळे तुमची मासिक पाळी लांब किंवा उशीरा येऊ शकते किंवा वगळले जाऊ शकते. काही वेळा तणावामुळे महिलांना मासिक पाळीदरम्यान खूप वेदना होतात. त्यामुळे स्वतःला रिलॅक्स ठेवण्याचा प्रयत्न करा. तुम्ही नियमित व्यायाम, योगासने, ध्यान किंवा श्वासोच्छवासाच्या व्यायामाच्या मदतीने तणावावर मात करु शकतात.
2. अचानक वजन कमी होणे -
जास्त किंवा अचानक वजन कमी (Weight loss) होणे देखील तुमची मासिक पाळी थांबवू शकते. खरेतर, जेव्हा तुम्ही वजन कमी करण्यासाठी कॅलरीजचे प्रमाण खूप कमी करता तेव्हा ते ओव्हुलेशनसाठी आवश्यक असणारे हार्मोन्सची क्षमता कमी करते. यामुळे मासिक पाळीच्या नियमिततेवर परिणाम होतो. त्यामुळे निरोगी वजन राखण्याचा प्रयत्न करा.
3. वजन वाढणे -
वजन कमी करण्याप्रमाणे, जर वजन खूप वाढले तर त्याचा परिणाम स्त्रीच्या मासिक पाळीवरही होतो. अशा स्त्रियांमध्ये, त्यांच्या शरीरात जास्त प्रमाणात इस्ट्रोजेन तयार होऊ शकते. हे अतिरिक्त इस्ट्रोजेन मासिक पाळी किती वेळा आणि कधी येते यावर परिणाम करू शकते. कधीकधी यामुळे स्त्रीची मासिक पाळी थांबू शकते.
4. अतिरिक्त व्यायाम -
निरोगी राहण्यासाठी हल्ली सगळेच व्यायाम करतात. परंतु, अधिक प्रमाणात व्यायाम केल्याने त्याचा आपल्या आरोग्यावर गंभीर परिणाम होतो. जास्त व्यायाम केल्याने तुमच्या मासिक पाळीसाठी जबाबदार असलेल्या हार्मोन्सवरही विपरित परिणाम होतो. जेव्हा तुम्ही अतिप्रमाणात वर्कआउट्स (Workout) करून शरीरातील भरपूर चरबी कमी करण्याचा प्रयत्न करता तेव्हा ते ओव्हुलेशन होण्यापासून रोखू शकते. अशा स्थितीत मासिक पाळी नियमित करण्यासाठी तुम्ही तुमची शारीरिक हालचाल कमी करावी.
5. गर्भनिरोधक गोळ्यांचे सेवन -
काही स्त्रिया गर्भनिरोधक गोळ्या घेतात, परंतु यामुळे कधीकधी मासिक पाळी येत नाही किंवा मासिक पाळी उशीरा येते. या प्रकरणात, आपल्याला घाबरण्याची गरज नाही. यासाठी तुमच्या डॉक्टरांशी चर्चा करा. त्यांच्या सल्ल्यानुसार तुम्ही विशिष्ट प्रकारच्या गर्भनिरोधक गोळ्या वापरणे बंद करा, यामुळे तुमची मासिक पाळी पुन्हा सुरळीत होण्यास मदत होईल.
6. ब्रेस्ट फिडींग -
जर बाळाच्या जन्मानंतर तुमची मासिक पाळी येत नसेल तर तुम्हाला काळजी करण्याची गरज नाही. बाळाच्या जन्मानंतर स्तनपानाच्या कालावधीत असे होणे सामान्य आहे. याला लैक्टेशनल अमेनोरिया म्हणतात. काही महिन्यांनंतर, मासिक पाळी सामान्य होऊन नियमित येऊ लागते.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
