Mother's Day Special : आईसोबत तुमचे नाते असे घट्ट करा..!
Mother's Day Special ब्युरो रिपोर्ट, साम टीव्ही, मुंबई

Mother's Day Special : आईसोबत तुमचे नाते असे घट्ट करा..!

आज ८ मे जगभरात मातृदिन साजरा केला जाईल.

मुंबई : आई ही आपल्या जीवनाचा अविभाज्य भाग आहे. आई (Mother) आणि मुलाचे आयुष्य इतकं गुंफलेलं असतं की, कितीही अडचणी आल्या तरी आई प्रत्येक पात्रात स्वत:ला सामावून घेत असते. मग ते पात्र कोणतही असो शाळेतील शिक्षकाचे, मार्गदर्शकाचे किंवा चांगल्या मित्राचे. यामुळेच आईचा भावनिक आधार मुलाला नेहमी पुढे जाण्यास प्रेरित करतो आणि एक चांगला माणूस बनण्यास मदत करत असतो. आज ८ मे जगभरात मातृदिन साजरा केला जाईल. यादिनानिमित्त तुम्ही तुमच्या आठवणींना उजाळा देऊन आईसोबत असणारे तुमचे नाते अधिक घट्ट करू शकता.

हे देखील पहा -

तुमच्या आणि तुमच्या आईच्या नात्यात कुठेतरी दुरावा आला असेल तर 'मदर्स डे'च्या निमित्ताने तुम्हीही तुमच्या आईशी पुन्हा घट्ट नाते विणू शकता. कसे ते जाणून घेऊया.

आईला असे खुश ठेवा.

१. तुमच्या आठवणींना उजाळा द्या -

कधीकधी आईसोबत जुन्या चांगल्या आठवणी शेअर करणे खूप प्रभावी ठरते. यासाठी तुम्ही तुमचे काही जुने फोटो (Photo) बघत तुमच्या आठवणींना उजाळा द्या.

२. कामात मदत करा -

तुमच्या आईने कामासाठी नकार दिला तरी तुम्ही तिला मदत करा आणि मदतीसाठीही विचारा. तुमची आई सुरुवातीला नकार देई ,परंतु जेव्हा तुम्ही तिची मदत कराल तेव्हा तिला आनंद होईल. जर तुम्ही दूर राहत असाल, तर फोनवर किंवा तुम्हाला आवश्यक असलेल्या गोष्टींबद्दल नक्कीच मदत मागा आणि शक्य तितक्या लवकर पूर्ण करा.

Mother's Day Special
Mother's Day special : मातृदिनानिमित्त अशी भेटवस्तू द्या आईला

३. आईसाठी वेळ काढा -

आयुष्य कितीही व्यस्त असले तरी तुम्ही तुमच्या आईसाठी खास वेळ (Time) काढायला हवा. आठवड्यातून एक दिवस शॉपिंग, डिनर, नाश्ता किंवा मूव्ही इत्यादीसाठी आवश्यक योजना बनवा असे केल्याने तुम्ही एकत्र वेळ घालवू शकता.

४. काळजी घ्या -

आईला नेहमी जाणवून द्या की तुम्ही नेहमीच तिच्यासोबत आहात, तिला गरज असेल तेव्हा तुम्ही कुठूनही तिला मदत कराल. असे केल्याने तिला कधीही एकटेपणा जाणवणार नाही.

५. तिलाही अपडेट ठेवा -

सध्याच्या डिजिटलायझेशनच्या युगात तांत्रिक ज्ञान ही काळाची गरज बनली आहे. अशा परिस्थितीत तुम्ही तुमच्या आईला ऑनलाइन शॉपिंग, ऑनलाइन बिल पेमेंट, बँकिंग इत्यादींविषयी माहिती द्या आणि तिची अपडेट राहायला मदत करा.

अशाप्रकारे तुम्ही तुमच्या आईसोबत नाते घट्ट विणू शकता.

Edited By - Komal Damudre

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.