Ganesh Chaturthi 2023 Recipe : १० दिवस टिकतील असे खुसखुशीत रव्याचे मोदक; बनतील चविष्ट-टेस्टी, नक्की ट्राय करा

Rava Modak Recipe :

१९ सप्टेंबरला गणपतीचे आगमन घरोघरी होणार आहे. महाराष्ट्रात गणपतीचे आगमन मोठ्या उत्साहात साजरा केला जातो. १० दिवसांच्या उत्सवात गणपतीची विधीवत पूजा व अर्चना केली जाते.

सध्या सगळीकडे खरेदीची लगबग सुरु असेल. तसेच प्रसादात नैवेद्यात लाडू आणि मोदक दाखवला जातो. जर तुम्ही देखील बाप्पाला प्रसन्न करण्यासाठी तुम्ही देखील चविष्ट आणि टेस्टी काही बनवण्याचा विचार करत असाल तर रव्याचे मोदक ट्राय करुन पाहा.

1. साहित्य | Ingredients

• बारीक रवा १ कप | Fine Semolina 1 cup

• तूप ४ मोठे चमचे | Ghee 4 tbsp

• मलाई/दूध १/४ कप | Fresh Cream/Milk ¼ cup

• पिठी साखर १ कप | Sugar Powder 1 cup

• वेलची पावडर १/४ चमचा | Cardamom Powder ¼ tsp

2. सारणासाठी | For Stuffing

• काजू १० ते १२ | Cashew Nuts 10 to 12

• बदाम १० ते १२ | Almonds 10 to 12

• पिस्ते १० ते १२ | Pistachios 10 to 12

• गुळ बारीक चिरून २ मोठे चमचे | Fine Jaggery Powder 2 tbsp

• वेलची पूड १/४ चमचा | Cardamom Powder ¼ tsp

• नारळाचा किस २ मोठे चमचे | Desiccated Coconut 2 tbsp

• केशर | Saffron

3. कृती

• सर्वप्रथम कढई गरम करुन त्यात तूप घाला त्यानंतर रवा घालून खमंग भाजून घ्या.

• त्यानंतर त्यात कपभर केसरचे दूध घाला आणि पुन्हा भाजून घ्या

• भाजल्यानंतर त्यात पीठसाखर घालून परतवून घ्या वरुन वेलची पूड घालून ढवळत राहा.

• मिश्रण शिऱ्यासारखे झाल्यानंतर वरुन ड्रायफ्रुट्स घाला आणि गॅस बंद करुन प्लेटमध्ये काढून घ्या.

• तयार मिश्रण प्लेटमध्ये पसरवून थंड होण्यास ठेवा. मिक्सरमध्ये काजू, बदाम, पिस्ता, सुकलेल्या खोबऱ्याचा किस आणि गुळ घालून जाडसर वाटून घ्या

• वाटलेल्या पावडरचे लहान छोटे गोळे तयार करा. थंड झालेल्या रव्याच्या सारणाला चांगले मळून घ्या.

• मोदकाच्या सारणात तयार रव्याचे सारण भरुन पाकळी तयार करा, त्यात वरुन मिक्सरमध्ये वाटलेल सारण त्यात भरा.

• तयार मोदक (Modak) केळीच्या पानात ठेवून बाप्पाला नैवेद्यात प्रसाद म्हणून ठेवा.